Qendra për informim Lajmet.com

Lufta e Irakut në dy Faqe:

Filloi më 20 Mars dhe mbaroi më 15 Prill 2003

15 Prill 2003 (Liria) Lufta në Irak

Helikopterë duke patrulluar mbi Bagdadin Lufta në Irak 'ka përfunduar'

Shtetet e Bashkuara thonë se betejat më të mëdha në Irak kanë përfunduar dhe për këtë arsye një pjesë e personelit po tërhiqet.
Gjeneral Majori Stanley McChrystal tha se konflikti po kalonte në një fazë ku amerikanët prisnin luftime të shkurtra me grupet që kanë mbetur ende brenda vendit.
Pentagoni tha se dy avionë të mëdhenj transportues janë kthyer në Amerikë, ndërkohë që forcat ajrore po tërheqin avionët që filluan bombardimet në Irak, katër javë më parë.

Detyrat emergjente
Prioriteti kryesor për regjimin e ri të Irakut do të jetë vendosja e sigurisë, shërbimit shëndetësor dhe kthimi në normalitet i furnizimit me ujë dhe energji elektrike.
Në Bagdad patrulla të përbashkëta të trupave amerikane dhe policëve irakianë janë në rrugët kryesore të kryeqytetit.
Qindra policë irakianë iu përgjigjën pozitivisht thirrjes për të rifilluar nga puna.
Trafiku i rënduar është kthyer në rrugët e Bagdadit, ku shumica e dyqaneve mbeten të mbylluara. Spitalet dhe ambulancat janë pa energji elektrike dhe ujë të pastër.
Në Kirkuk është vjedhur depoja kryesore e barnave të qytetit, kurse
në qytetin jugor, Basra dhjetra njerëz kanë vdekur për shkak të mungesës së medikamenteve dhe higjenës elementare. (BBC)

14 Prill 2003 (Liria) Lufta në Irak

Shtypi

Rrugë në Tikrit Amerikanët marrin qendrën e Tikritit

Forcat amerikane njoftohet se kanë mbërritur në sheshin qendror të qytetit verior të Tikritit, vendlindja e Sadam Huseinit dhe e vetmja qendër e madhe e pushtetit e ish- qeverisë irakiane që nuk ishte vënë nën kontrollin e amerikanëve.

Njoftohet se tanket dhe trupat amerikane kanë zënë pozicione në sheshin kryesor gjatë orëve të para të mëngjesit të së hënës, ndërkohë që helikopterë dhe avionë kanë fluturuar shumë ulët mbi qytet.

Një zëdhënës amerikan tha se marinsat kishin ndeshur në një lloj qëndrese, por ajo ishte thyer shumë shpejt dhe rreth 20 irakianë ishin vrarë.

Gazetarët që udhëtojnë me marinsat thonë se ka pasur luftime në periferitë jugore të Tikritit dhe se avionët amerikanë kanë bombarduar pozicionet irakiane.

Luftime më në veri

Korrespondenti i BBC-së thotë se njoftohet për luftime më në veri dhe disa prej forcave irakiane thuhet se po tërhiqen në drejtim të Mosulit.

Një tjetër korrespondent ishte me trupat amerikane kur ato kaluan nëpër fshatin e lindjes të presidentit irakian, Awja, në dalje të Tikritit.

Komandantët ushtarakë thonë se rënia e Tikritit nuk do të thotë fundi i luftës - dhjetra qytete të vegjël dhe fshatra irakiane janë kaluar gjatë përparimit amerikan, dhe ato mund të përbëjnë ende rrezik.

Komandanti i forcave të drejtuara nga amerikanët, gjenerali Tommy Franks, këmbengul se veprimet ushtrake nuk do të përfundojnë përderisa të kapërcehen të gjitha xhepat e rezistencës irakiane.

Sipas gjeneralit Franks ka ende grupe milicie besnike të Sadam Huseinit, të cilat janë të gatshme "të luftojnë deri në frymën e fundit". (BBC)

Powell kërcënon me masa kundër Sirisë

Shtetet e Bashkuara kanë paralajmëruar se po shqyrtojnë ndërmarrjen e masave diplomatike apo ekonomike kundër Sirisë.
Qeveria amerikane ka akuzuar Sirinë se po strehon udhëheqës që kanë ikur nga Iraku dhe se po zhvillon armë të shkatërrimit në masë - akuza për të cilat qeveria në Damask thotë se janë të pabaza.
Paralajmërimet më të fundit të Uashingtonit erdhën nga Sekretari amerikan i Shtetit, Colin Powell, i cili tha se ishte krijuar një situatë e re në rajon dhe se të gjitha shtetet në rajon duhet tani të rishikojnë sjelljet në të kaluarën.
Më herët, kryeministri britanik, Toni Bler, tha se kishte marrë garanci nga presidenti sirian, Bashar al-Asad, se kushdo që bën përpjekje të kalojë kufirin nga Iraku në Siri do të ndalet.

Rusia bën thirrje për maturi ndaj Sirisë
Rusia i ka bërë thirrje SHBA-së të tregohet e kufizuar ndaj Sirisë që akuzohet nga Uashingtoni dhe Londra se ka qëllime armiqësore ndaj koalicionit.
Një ministër i jashtëm rus citohet nga media ruse se ka thënë se deklaratat e ashpra të aleatëve të koalicionit që i adresohen Sirisë mund të komplikojnë zgjidhjen e situatës së pasluftës në Irak.
Sipas Aleksander Losyukovit deklaratat që vijnë nga Uashingtoni nuk ndihmojnë dialogun midis Europës dhe Amerikës në konfliktin në Lindjen e Mesme, një pikëpamje që ndahet nga Franca, aleati i Rusisë në koalicionin e anti luftës.

Ministri i jashtem francez, Dominique de Villepin njoftohet se ka bërë thirrje për dialog dhe maturi ndërsa po fliste në Luksemburg.
Rusia thotë se Siria nuk është Iraku dhe ka një imazh tërësisht ndryshe në botën arabe. Siria ka qenë një aleat i ngushtë i ish BS dhe kohët e fundit ka ringjallur bashkëpunimin ushatrak me Moskën. (BBC)

Egjypti dhe Jordania kërkojnë qeveri irakiane të besueshme

Egjypti dhe Jordania kanë bërrë thirrje për formimin e një qeverie të re në Bagdad e cila do të jetë e besueshme dhe përfaqësuese e të gjithë irakianëve.
Ministrat e Jashtëm të Egjyptit dhe Jordanisë i thanë gazetarëve, se një qeveri e tillë do të ndihmonte në garantimin e një tërheqje të plotë të trupave amerikane dhe britanike nga Iraku.
Ministri i Jashtëm jordanez Marvan al-Mouasher, tha se qeveria e re duhet të përbëhej nga kryesisht irakianë brënda vëndit dhe të përfshinte vetëm një numër të kufizuar të mërgatës irakiane.
Një korrespondent i BBC në Kajro thotë se udhëheqësit arab janë të shqetësuar për efektet rajonale të mungesës së stabilitetit në Irak.
Ato kërkojnë një qeveri të fortë në Bagdad e aftë që ta mbajë vëndin të bashkuar. (BBC)

12 Prill 2003 (Liria) Lufta në Irak

Ahmed Chalabi Takim me opozitën irakiane

Nasaria - Shtetet e Bashkuara kanë njoftuar se një delegacion amerikan do të takohet me pjesëtarë të opozitës irakiane të martën në qytetin e Nasarias.
Zëdhënësi i departamentit amerikan të Shtetit, Richard Boucher, tha se takimi do të përqëndrohet në të ardhmen e Irakut dhe në përpjekjet për krijimin e një qeverie të përkohshme për vendin.
Ky lajmërim pasoi daljen në shesh të enjten e javës së shkuar të ndarjeve të mëdha në Uashington lidhur me formimin e një administrate irakiane.

Ne nuk shohim vend për një administratë të Shteteve të Bashkuara.
Ahmed Chalabi, opozita irakiane.

Korrespondentët thonë se burimi i tensioneve duket se është Ahmed Chalabi, udhëheqësi i Kongresit Kombëtar Irakian, i cili nga disa pjesëtarë të administratës së Bushit admirohet, nga disa të tjerë nuk është figurë e besueshme.

Ende nuk ka njoftime se cilët janë ftuar në takim. Zëdhënësi i departamentit të Shtetit tha se në takim do të marrin pjesë si irakianë që janë në vend, dhe ata që kanë qenë në amërgim.
"Ne kemi menduar që ky proces të ndihmojë në ngritjen e një administrate irakiane që do të mund të përfaqësojë popullsinë e Irakut, që do të mund të funksionojë në emër të tyre dhe që do të mund të fillojë ndërtimin e asaj lloje qeverie përfaqësuese, për formimin e të cilës ne kemi si qëllim që të ndihmojmë popullin irakjan," tha zoti Boucher.

Vetëm irakianë
Vetë zoti Chalabi, në një intervistë për BBC-në, tha se Shtetet e Bashkuara nuk kanë vend në administrimin e përkohshëm të Irakut.
"Ne nuk shohim vend për një administratë të Shteteve të Bashkuara dhe në fakt, Shtetet e Bashkuara kanë thënë se do të ndihmojnë irakianët në formimin e një autoriteti të përkoshëm irakian," tha zoti Chalabi.
"Ne shpresojmë se zgjedhjet në Irak do të mbahen brenda dy vjetësh pasi irakianët të hartojnë kushtetutën dhe ta vënë atë për votim në një referndum dhe ne shpresojmë që zgjedhjet të mbahen në fund të këtij procesi," tha ai.
Caktimi i Nasaria si vendi ku do të mbahet takimi, mendohet se favorizon zotin Chalabi, kandidati i preferuar në Uashington, i cili ndodhet që tani në qytet.
Por Departamenti i Shtetit ka ftuar pjesëmarrjen e Kombeve të Bashkuara dhe zyrtarë të depratamentit të Shtetit ngulin këmbë se në këtë fazë fillestare, nuk do të merret asnjë vendim.
Ky takim do të jetë i pari në një seri takimesh që mesa duket do të kulmojnë në një konferencë që do të mbahet në Bagdad dhe që do të vendosë për anëtarët e administratës së përkohshme.

Rindërtimi
Rindërtimi i Irakut pritet që të jetë një nga pikat kryesore në rendin e ditës së takimit të ministrave të financave të shtatë vendeve të industrializuara që takohen në Uashington.
Zyrtarë amerikanë thonë se ata duan që Banka Botërore dhe Fondi Monetar Ndërkombëtar të fillojnë t'i japin ndihmë teknike Irakut sa më shpejt të jetë e mundur.
Gjithashtu, amerikanët kanë bërë thirrje që Irakut t'i falen pjesërisht borxhet e jashtme.(BBC)

Bush paralajmëron Sirinë

Washington - Presidenti amerikan George Bush e ka paralajmëruar Sirinë që të mos i ofrojë strehim pjesëtarëve të qeverisë së Sadam Huseinit.
Zoti Bush tha se pret bashkëpunim të plotë nga Damasku
"U bëjmë thirrje që të mos i lejojnë anëtarët e partisë Ba'ath apo pjesëtarë të familjes së Sadamit që të gjejnë strehim atje," tha zoti Bush.
"Ne presim që ata të bëjnë sa munden t'i ndalojnë ata që janë fajtorë të largohen nga Iraku, dhe nëse ata ndodhen në Siri, presim që autoritetet siriane t'i dorëzojnë," tha ai.
Më herët amerikanët thanë se Siria i ka njoftuar se e ka mbyllur kufirin me Irakun për të gjitha llojet e trafiqeve, më përjashtim të atij humanitar.

Të mbrohen pasuritë arkeologjike të Irakut

Viena - Presidenti i Austrisë, Thomas Klestil, ka bërë thirrje për mbrojtjen e trashëgimisë kulturore të Irakut. Zoti Klestil e bëri apelin pasi plaçkitësit u panë duke marrë antikuare nga muzeu më i madh arkeologjik në Bagdad.
Presidenti austriak Klestil bëri thirrje që të mbrohen efektivisht vendet e gërmimeve më të rëndësishme arkeologjike dhe muzeumet.
Profesori McGuire Gibson, ekspert i arkeologjisë së Mesopotamisë, në Universitetin e Çikagos në Shtetet e Bashkuara, thotë se garancitë për të mbrojtur pasuritë arkeologjike të irakut nuk po mbahen.
Ai tha se kishte kontaktuar me zyrtarë në Uashington para fillimit të bombardimeve për t'u treguar vendndodhjen e muzeut në Bagdad.
"Unë mendova se e kisha marrë garanci që ushtria do të bënte përpjekje të veçanta për të siguruar muzeun," tha zoti Gibson.
"Tani ushtria ka qenë afër muzeut prej të paktën 3-4 ditësh, por problemi është se ata me sa duket nuk kanë aq njerëz sa duhet për ta bërë punën," tha ai.
Muzeumet irakiane dhe gërmimet arkeologjike në Irak datojnë nga koha antike e Mesopotamisë.(BBC)

OKB rikthehet në Irak

Bagdad - Tre javë pas fillimit të luftës, Kombet e Bashkuara kanë bërë të ditur se do të rivendosin praninë brenda Irakut, veçanërisht në zonat veriore, jugore dhe lindore.
Njoftimi u bë nga zyrtarë të lartë amerikanë përgjegjës për koordinimin e ndihmës humanitare për Irakun.
Ramiro da Silva, tha se priste që grupe prej ekipeve ndërkombëtare të ndihmës të ktheheshin sa më parë në rajonet kurde në veri të Irakut.
Një zëdhënës i Kombeve të Bashkuara i tha BBC-së se në ekipe do të përfshihen anëtarë të Organizatës Botërore e Shëndetësisë, nga Organizata Botërore e Ushqimit dhe nga Fondi i Kombeve të Bashkuara për Fëmijët, që është përgjegjës për ujin dhe sistemin sanitar.
Planet për sjelljen e ndihmës humanitare janë penguar nga situata kaotike më shumë pjesë të Irakut.
Kombet e Bashkuara kanë akuzuar forcat amerikane dhe britanike se kanë thyer konventën e Gjenevës, duke dështuar në përpjekjet për të vendosur rregullin në zonat që kontrollojnë.
Grabitjet masive që po u bëhen spitaleve, shkollave, dyqaneve dhe disa shtëpive kanë zemëruar zyrtarët e ndihmave, të cilët thonë se amerikanët duhet ta kishin marrë parasysh këtë situatë përpara se të nisnin luftën.

9-10-11 Prill 2003 (Liria) Lufta në Irak

Shtypi

Plaçkitës nëpër rrugët e Bagdadit Bagdadi - qytet barrikadash

Bagdad - Trazira të rënda vazhdojnë nëpër rrugët e Bagdadit ndërsa trupat e pranishme amerikane nuk bëjnë asgjë për të penguar plaçkitjet.
Një korrespondent i BBC-së atje thotë se ai është shndërruar në qytet barrikadash, ndërsa banorët e shumë zonave bllokojnë rrugët për të penguar plaçkitjen e shtëpive të tyre.
Plaçkitësit kanë marrë në shënjestër ndërtesat qeveritare, qendrat tregtare, bizneset private e madje edhe spitalet.
Njoftimet bëjnë të ditur se pronarët e dyqaneve në qendër të qytetit kanë hapur zjarr kundër disa prej tyre.
Të paktën një person për të cilin thuhet se ishte plaçkitës është rrahur për vdekje.
Forcat amerikane në Bagdad thonë se po bëjnë përpjekje për të përmirësuar situatën në qytet, duke krijuar qendra të operacioneve dhe duke u bërë thirrje profesionistëve që të paraqiten për të ndihmuar në drejtimin e shërbimeve publike. (BBC)

Pas rënies së Mosulit shpërthejnë plaçkitje

Plaçkitje në Mosul Në qytetin Mosul, në veri të Irakut kanë shpërthyer plaçkitje të mëdha pasi ai u braktis nga ushtria irakiane.
Një korrespondente e BBC-së në Mosul përshkroi skena kaosi, plaçkitje të ndërtesave publike, përfshirë edhe spitalet nga banda të plaçkitësve të armatosur, njerëz duke u sulmuar nëpër rrugë, njerëz të armatosur duke hyrë nëpër shtëpi dhe duke kërkuar çelësa të veturave për t'i vjedhur ato.
Njoftimet bëjnë të ditur se luftëtarët kurdë po ngrenë barrikada në Mosul, por ata e mohojnë se kanë marrë kontrollin në qendër të qytetit.
Një zëdhënës i forcave kurde tha se tyre u ishte thënë të mos hynin në Mosul derisa atje të mos ishte e pranishme një forcë e konsiderueshme amerikane.
Një zëdhënës i ushtrisë amerikane tha se forcat speciale amerikane tani po hynin në qytet pasi trupat irakiane të Korpusit të Pestë në Mosul kishin zhvilluar negociata për dorëzim. (BBC)

"Loja ka mbaruar"

Amerikanët marrin robë lufte Komenti i vetëm për zhvillimet e fundit në Bagdad nga zyrtarët e administratës së Sadam Huseinit është bërë nga ambasadori i Irakut në Kombet e Bashkuara, Mohamed al-Douri.
Ai u tha gazetarëve që ishin mbledhur jashtë shtëpisë së tij në Uashington se "loja ka mbaruar".
"Nuk kam asnjë deklaratë. Loja mbaroi. Shpresojmë që të vendoset paqja. Kjo është ajo që shpresojmë. Kjo është gjithçka mund të them," tha ambasadori i Irakut në Kombet e Bashkuara.
Zoti al-Douri tha se ai nuk kishte komunikuar gjithë këtë kohë me Irakun për shkak të pushtimit amerikan dhe se ai i kishte ndjekur ngjarjet si të gjithë prej televizorit. (BBC)

SHBA-ja ia pret shkurt evropianëve

Ende nuk dihet se ç'ka ndodhur me Sadam Huseinin Administrata e Bushit ka dhënë më shumë detaje lidhur me rolin që ajo parasheh që Kombet e Bashkuara të luajnë në Irakun e pasluftës.
Sekretari i shtetit Kolin Pauell tha se Amerika do të zgjedhë udhëheqësit që do të marrin pjesë në qeverinë e përkohshme të Irakut.
Ndërkohë administrata i kërkoi qeverive të Francës, Rusisë dhe Gjermanisë që t'i falin Irakut një pjesë të borxheve ndaj tyre.
Zëvendësekretari i mbrojtjes Pol Volfovitc, tha se Franca, Gjermania dhe Rusia duhet të përqëndroheshin në çështje të tjera gjatë takimit këtë fundjavë në Petërsburg dhe jo tek ajo se çfarë roli duhet të luajë i OKB-ja në Irakun e pas luftës .
Një korrespondent i BBC-së thotë se megjithë vendosmërinë e treguar prej amerikanëve për të drejtuar procesin e formimit të qeverisë së re irakiane, është e paqartë mënyra se si ajo pritet të veprojë. (BBC)

Rumsfeld kritikon median

Sekretari amerikan i mbrojtjes, Donald Rumsfeld ka kritikuar mbulimin që media i ka bërë grabitjeve dhe incidenteve të dhunshme në Irak pas rrëzimit të qeverisë së Sadam Huseinit.
I pyetur nëse përshkrimet e anarkisë dhe mungesës së ligjit ishin zgjedhur me qëllim të keq zoti Rumsfeld tha "Absolutisht".
Ai tha se Iraku ishte një vend që po çlirohej. Zoti Rumsfeld shtoi se ishte fatkeqësi që spitalet po vidheshin, por furnizimet dhe medikamentet po vinin në Irak. Ai tha se forcat e koalicionit e ndjenin si detyrë të ofronin siguri dhe po shkonin nëpër spitale që po grabiteshin për të ndaluar sulme të tilla.
"Nëse kalohet nga një regjim shtypës që ka vrarë dhe burgosur mijëra njerëz, në një situatë tjetër të ndryshme, në një Irak të çliruar, ju do të kaloni në një periudhë tranzitore.
Dhe çdo vend që ka patur mundësinë të bëjë një gjë të tillë, të kalojë nga një vend i shtypur, regjim diktatorial në diçka të lirë, ne kemi parë atë periudhë që është papastërtia dhe nuk ka rrugë tjetër, por kjo nuk është përzgjedhja e askujt.
Nga ana tjetër nëse mendoni për ato pamje, shumë shpesh janë pamje të njerëzve që shkojnë drejt simboleve të regjimit të mëparshëm, në pallate, në varka dhe në selitë e partisë Baath dhe në vende që kanë qenë pjesë e shtypjes dhe ndërkohë që askush nuk e justifikon grabitjen, nga ana tjetër duhet kuptuar kjo ndjenjë e mbajtur thellë që mund të vijë nga dekada represioni dhe njerëz që kanë patur anëtarë të familjes së tyre të vrarë nga ai regjim, do t'i shprehin këto ndjenja drejt këtij regjimi." (BBC)

Shiraku përshëndet rënien e Sadamit

Presidenti francez, Zhak Shirak ka mirëpritur rënien e Presidentit Sadam Husein në Bagdad. Zhak Shirak dhe Toni Bler
Një deklaratë për shtyp e zyrës së presidentit Shirak, shkruan se Franca, si të gjitha vendet demokratike, është e kënaqur që pa fundin e diktaturës së Sadam Huseinit.
Deklarata shton se vendi shpreson se luftimet do të përfundojnë shpejt.
Por presidenti Shirak tha gjithashtu se është thelbësore që të sigurohet shpërndarja e ndihmave humanitare pa vonesë.
Presidenti francez ka qenë një nga kritikët më të ashpër luftë së drejtuar nga Amerika në Irak.
Korrespondenti i BBC-së në Paris thotë se z. Shirak tani kërkon dëshpërimisht që Kombet e Bashkuara të marrin një rol qendror në Irakun e pas luftës.
Ai i frikësohet fakti se nëse amerikanët marrin në dorë drejtimin e vendit, Franca do të përjashtohet nga të gjitha kontratat për rindërtimin e vendit.
Ndërkohë, gazeta franceze Laberation ka paralajmëruar se presidenti Shirak tani kërcënohet me izolim në skenën ndërkombëtare.
Ai, shkroi gazeta, me këtë, do të bëhet mbreti i paqes, por një mbret pa kurorë. (BBC)

Rënia e Bagdadit "dëshpëron" arabët

Ndërsa disa qeveri pro-perëndimore arabe, si Jordania dhe Kuvajti kanë miratuar rënien e regjimit Bathist të Sadam Huseinit në Irak, ngjarjet e fundit në Bagdad duket se kanë konfirmuar qëndrimin e shumë arabëve kundër luftës në Irak.
Një korrespondent i BBC-së thotë se shumica e botës arabe tani është zhytur në dëshpërim pas rënies së papritur të ushtrisë irakjane. Tank amerikan në Bagdad
Gazeta Al-Hayat që botohet në Londër e krahasoi atë me fitoren e Izraelit mbi palestinezët në vitin 1948.
Korrespondneti i BBC-së thotë se arabët nuk po flasin çlirim nga diktatori irakjan, por për një epokë të re të pushtimit kolonial.
Në Iran, vendi fqinjë i Irakut, televizioni shtetëror nuk i ka transmetuar fare zhvillimet e djeshme dramatike në Bagdad.
Profesor Sadek Ziba-ka-lam nga Universiteti i Teheranit i tregoi BBC-së se si i kanë parë iranianët ngjarjet në Irak.
"Iranianët në përgjithësi nuk kanë patur ndjenja pozitive ndaj regjimit të Irakut. Ata kujtojnë përdorimin e armëve kimike gjatë luftës Iran-Irak," tha ai.
Megjithatë, profesori iranian tha se lajmi rënies së Sadam Huseinit, për shumë iranianë, është lajm i mirë.
"Shumica e intelektualëve iranianë janë kundër Sadam Huseinit dhe ata tani janë shumë të kënaqur të shohin fundin e tij edhe për arsyen se rënia e diktatorit të vendit fqinj, do të ndihmojë zhvillimet politike në Iran", tha profesori Sadek Ziba-ka-lam. (BBC)

8 Prill 2003 (Liria) Lufta në Irak

Shtypi

Tetë gazetarë të vrarë në Irak

Kaveh Golestan i BBC-së i vrarë në luftën në Irak
Televizioni arab Al-Jazeera njoftoi se një kameraman i televizionit është vrarë gjatë një sulmi me raketa mbi kryeqytetin irakian.
Sipas agjencisë Reuters, ministri irakian i informacionit Mohamed Saed al-Sahaf ka akuzuar për këtë direkt amerikanët duke thënë se "ata po sulmojnë civilët përfshirë edhe kanalin televiziv Al Jazeera.
Dy gazetarë të tjerë janë vrarë të hënën në Irak, duke e çuar në tetë numrin e gazetarëve të huaj që kanë vdekur gjatë këtij konflikti.
Christian Liebig i gazetës gjermane Focus dhe Hulio Anguita Parado i El Mundos, udhëtonin me trupat amerikane kur një raketë shpërtheu pranë një qendre operacionale në jug të Bagdadit. (BBC)

Aksi kundër luftës mblidhet në Shën Petërburg

Presidenti francez Shirak Rusia, Franca dhe Gjermania mblidhen në Shën Petërburg
Qeveria ruse ka lajmëruar se Presidenti Putin ka ftuar presidentin francez Zhak Shirak për bisedime dy ditore në Shën Petërburg të premten dhe të shtunën.
Në takim do të marrin pjesë kancelari gjerman, Gerhard Schrëder dhe Sekretari i Përgjithshëm i OKB-së, Kofi Anan.
Nuk janë bërë të ditura detaje për axhendën e takimit.
Franca, Gjermania dhe Rusia kanë qënë vëndet kryesore që kërkuan nga Kombet e Bashkuara që ta ndalonte Amerikën nga pushtimi i Irakut
Dje u njoftua se z. Anan do të vizitojë disa vende evropiane në ditët në vijim për të diskutuar të ardhmen e Irakut pas luftës. (BBC)

Bush dhe Bler diskutojnë për Irakun

Kryeministri britanik Toni Bler dhe presidenti Bush Pika kryesore në takimin e së martës në Iralndën e Veriut, mes presidentit Bush dhe kryeministrit britanik është korniza për rindërtimin e Irakut, politikisht dhe ekonomikisht, pasi të jetë hequr nga pushteti Sadam Huseini.
Rreth kësaj çështjeje kanë dalë në sipërfaqe disa dallime mes lidërve në Amerikë dhe atyre në Evropë, sidomos rreth rolit që Kombet e Bashkuara do të mund të luajnë.
Për presidentin Bush dhe kryeministrin Blai, përparimi i shpejtë i forcave të koalicionit drejt kontrollit ushtarak të Irakut e bën edhe më urgjente rënien dakord rreth një kornize të gjërë për fazën e ardhshme duke mbajtur premtimet se do të sjellin një jetë më të mirë dhe një qeveri demokratike për popullin e Irakut.
Dy liderët pritet të konfirmojnë zotimet e bëra para luftës që të kërkojnë miratimin e planit të rindërtimit nga Kombet e Bashkuara.

Çështjet më të rëndësishme
Së pari, roli i forcave të koalicionit. Departamenti amerikan i mbrojtjes tashmë kanë paraqitur planet e hollësishme për detyrat e personelit të vet, të cilat nën udhëheqjen e gjeneralit në pension, Jay Garner, jo vetëm që do të merren me nevojat humanitare, por do të vendosin edhe embrionet e administratës së ardhshme anembanë Irakut.
Britania, sikurse shume vende të tjera evropiane duan që roli i forcave në terren të jetë i kufizuar.
Së dyti, Britania ka propozuar që Kombet e Bashkuara të organizojnë një konferencë në Bagdad dhe që të vendosin autoritetin kalimtar.
Franca dhe Rusia pajtohen me këtë propozim, por Shtetet e Bahskuara shohin një rol më modest për Kombet e Bashkuara.
Së treti, me siguri dë të ketë debate të shumta rreth marrëveshjeve komerciale, për rindërtim, naftë dhe gjëra të tjera pasi të ketë përfudnuar lufta.
Pozita e Uashingtonit rreth këtyre çështjeve është bërë e qartë nga sekretari amerikan i shtetit, Colin Powell, i cili ka thënë se Shtetet e Bashkuara dhe Britania e drejtuan luftën, kështu që ato do të duhet të kenë rolin kryesor në të ardhmen politike dhe ekonomike të Irakut. (BBC)

Vazhdon beteja për Bagdadin

Forcat amerikane po lëvizin drejt Bagdadit nga veriu dhe juglindja, duke çarë rrugën drejt trupave amerikane të cilat kanë marrë pjesë të qendrës së qytetit ditën e hënë.
Avionë të luftës dhe helikopterë qarkullonin mbi qytet ndërsa ndërtesa e Ministrisë së Planifikimit iu nënshtrua zjarrit të ashpër.
Disa prej marinsave amerikane që janë duke avancuar drejt Bagdadit morën kontrollin mbi aerodromin ushtarak Rashid, i cili duket se ishte braktisur nga mbrojtësit e tij.
Më pas ata vazhduan nëpër zonat lindore të qytetit.
Në qendër të qytetit ka pasur luftime të ashpra gjatë paradites.
Gjenerali Buford Blount, i Divizionit të tretë të këmbësorisë amerikane, tha se forcat irakiane kishin kundërsulmuar nga pjesa lindore dhe ushtarët e tij edhe më tej ishin nën zjarrin e armëve (BBC)

7 Prill 2003 (Liria) Lufta në Irak

Shtypi

Forcat amerikanë në rrugët e Bagdadit Trupat amerikane në qëndër të Bagdadit

Trupat amerikane të shoqëruara nga makina të blinduara kanë çarë rrugën e tyre në qendër të Bagdadit ku kanë marrë nën kontroll një numër ndërtesash qeveritare dhe të tjera.
Një oficer amerikan tha një intervistë brenda njërës prej këtyre ndërtesave, ku fare qartë shihej një banjo me pllaka të lara me ar.
Jashtë këtyre ndërtesave luftime të ashpra vazhduan përgjatë brigjeve të lumit Tigër, ku avionët amerikanë fluturuan mbi qiell, pa hasur ndonjë rezistencë kundërajrore.
Korrespondenti i BBC, raporton se amerikanët thanë se hynë me 65 tanke në qendër të Bagdadit.
Ne pamë katër prej tyre përballë hotelit ku qëndrojnë ekipet e mediave, fare pranë pallatit presidencial.
Tani shtihet në të katërta anët, siç duket për shkak se irakianët vazhdojnë të bëjnë rezistencë.
Pentagoni ka refuzuar ta quajë këtë beteja për Bagdadin, duke thënë se kjo qe vetëm një shfaqje e forcës dhe situata në terren e vërteton këtë.
Kur po eceja me makinë herët në mëngjes, pashë se amerikanët kishin ngritur një postobllok në një qendër pranë lumit Tigër.
Trupat agresive Fedajen të Sadam Husienit janë vendosur në postoblloqe rreth kësaj zone.
Ato po mbrojnë urat me raketa garanathedhëse.
Pjesa më e madhe e qytetit kontrollohet nga qeveria, por amerikanët thonë se kjo lëvizje psikologjike do t'i japër fund kësaj rezistence, raporton korrespondenti i BBC në Bagdad.

Numërimi i viktimave-detyrë e vështirë

Viktima të luftës në Irak
Nga Devid Shazan i BBC-së

Një nga pyetjet më thelbësore rreth luftës në Irak, por që ka mbetur ende pa përgjigje, është se sa njerëz janë vrarë gjatë konfliktit.
Komiteti Ndërkombëtar i Kryqit të Kuq thotë se numri i viktimave në Bagdad është aq i madh, saqë spitalet nuk po i numërojnë më.
Forcat amerikane dhe ato britanike japin vetëm numrin e ushtarëve të tyre të vrarë. Por irakjanët nuk japin ndonjë shifër. Kështu që numërimi i të vrarëve në konflikt po rezulton një detyrë e vështirë
Tani që Bagdadi po bombardohet intensivisht, Komiteti Ndërkombëtar i Kryqit të Kuq thotë se në spitale po arrijnë kaq shumë të plagosur, saqë askush nuk është në gjendje të mbajë shënim numrin e tyre.
Forcat amerikane dhe ato britanike thonë me krenari se ata po gjuajnë objektiva ushtarake dhe po kursejnë jetë civilësh.
Por bombat nuk bien gjithmonë atje ku duhet. Ka patur një seri incidentesh.
Amerikanët thonë se kanë humbur 28 ushtarë në Irak dhe se fati i 8 të tjerëve nuk dihet.
Në rradhët e ushtrisë britanike ka patur 27 ushtarë të vrarë. Disa humbën jetën në aksidente dhe u qëlluan nga forcat e koalicionit.
Po sa është numri i ushtarëve të vrarë irakjanë? Autoritetet irakjane nuk japin shifra. Amerikanët thonë se kanë vrarë deri 2 mijë ushtarë irakjanë vetëm gjatë inkursionit të tyre në Bagdad të shtunën.
Megjithatë, nuk ka konfirmime të pavarura dhe brig. gjen Vincent Brooks tha se kjo shifër është llogaritur me hamendje.
"Po flasim për rezultatet e luftimeve të cilat së shumë raste, përfundojnë me shkatërrim fizik të qënieve njerëzore. Nuk mund të bëjmë gjithmonë përllogaritje të sakta. Por sigurisht, nuk ështës e nuk po numërojmë më. Kështu që praktika e dhënies së shifrave është diçka, të cilës unë vetë, i largohem për pikërisht këtë arsye" tha ai.
Sa për autoritetet irakjane, ata mund të mos tregojnë vrasjet në rradhët e ushtarëve, por përllogaritja e tyre për numrin e civilëve të vrarë është 1252, kurse për të plagosurit mbi 5 mijë.
Por duhet patur parasysh se paralelisht me konfliktin ushtarak, në Irak po zhvillohet dhe një luftë propagandistike.
Një faqe interneti e pavarur është ngritur ndërkohë për të mbajtur shënime për të vrarët. Ata po mbledhin të dhëna nga lajmet dhe sot dhanë dy shifra: maksimumi i të vrarëve sipas tyre është 1049 dhe minimumi 876. (BBC)

Përparime në frontet e tjera

Britanikët përshëndeten nga popullsia në Basra Forcat amerikane thonë se kanë marrë nën kontroll qytetin qendror irakian të Qerbelasë pas dy ditë betejash të ashpra me luftëtarët paraushtarakë.
Zëdhënësa të trupave amerikane në Qerbela thonë se ata kishin luftuar rrugë më rrugë dhe kishin besim se nuk ekzistonte më ndonjë kërcënim për sulme irakiane.
Amerikanët thonë se disa dhjetra irakianë dhe një ushtar amerikan ishin vrarë.
Pala irakiane nuk i ka përmenduar ende luftimet në Qerbela, i cili ndodhet në jug të Bagdadit.
Amerikanët thonë se përparimi i tyre synonte që të mos lejonin luftëtarët irakianë që të kërcënonin linjat e furnizimit, që zgjaten për qindra kilometra deri në jug të Irakut.

Luftimet për Basran Kapet Basra

Britanikët thonë se kanë nën kontroll pjesën më të madhe të qytetit të dytë më të madh të Irakut, Basra -- por pas një dite luftimesh ata thonë se janë të përgatitur për kundërsulme të forcave irakiane.
Shefi i shtabit britanik gjeneral majori Peter Wall tha se trupat e rregullta irakiane ishin larguar nga Basra, por se milicia dhe besnikët e partisë Ba'ath ishin ende një kërcënim.
"Shumë pjesë të qytetit i kemi pushtuar, por ende ka disa xhepa të vegjël të rezistences të cilat janë duke u sulmuar," tha gjenerali Wall.
Ushtarët britanikë sulmuan Basrën të dielën në mëngjes dhe çanë rrugën drejt qendrës me mbështetjen e helikopterëve amerikanë.
Britanikët thonë se tre ushtarë të tyre u vranë së bashku me një numër, që nuk dihet ende, luftëtarësh irakianë.
Njoftimet nga disa pjesë të Basras thonë se shumë persona filluan të plaçkisin ndërtesat pas përfundimit të luftimeve.

Përparim në veri
Njoftohet se luftëtarët kurdë dhe forcat amerikane në Irakun e veriut po u afrohen edhe më shumë dy qyteteve kryesore të rajonit të mbajtura nga ushtaria irakiane - Mosul dhe qëndra naftëmbajtëse Kirkuk.
Të dielën aeroplanët amerikanë bombarduan pozicionet e ushtrisë irakiane në Dibagan midis Mosulit dhe Kirkukut.
Një korrespondent i BBC-së në rajon thotë se forca kurde dhe amerikane janë tani rreth 10 kilometra pranë Kirkukut.
Në veri të Mosulit, forcat kurde kanë konsoliduar pozicionet e tyre në qytetin Ain Sifni, që e kapën të dielën në mëngjes.
Gazetarët në Ain Sifni thonë se shumë banorë të qytetit ishin larguar duke ju frikësuar luftëtarëve kurdë apo kundërsulmeve irakiane me artileri. (BBC)

Bush dhe Blair diskutojnë të ardhmën e Irakut

Bush dhe Blair Pika kryesore në takimin e planifikuar për sot në Iralndën e Veriut, mes presidentit Bush dhe kryeministrit britanik do të jetë korniza për rindërtimin e Irakut, politikisht dhe ekonomikisht, pasi të jetë hequr nga pushteti Sadam Huseini.
Rreth kësaj çështjeje kanë dalur në sipërfaqe disa dallime mes liderve ne Amerikë dhe atyre në Evropë, sidomos rreth rolit që Kombet e Bashkuara do të mund të luajnë.
Për presidentin Bush dhe kryeministrin Bler, përparimi i shpejtë i forcave të koalicionit drejt kontrollit ushtarak të Irakut e bën edhe më urgjente rënjen dakort rreth një kornize të gjërë për fazën e ardhshme duke mbajtur premtimet se do t'ju sjellin një jetë më të mirë dhe një qeveri demokratike për popullin e Irakut.
Dy liderët pritet të konfirmojnë zotimet e bëra para luftës që të kërkojnë miratimin e planit të rindërtimit nga Kombet e Bashkuara.

Por tre jane çështjet më të rëndësishme.
Së pari, roli i forcave të koalicionit. Departamenti amerikan i mbrojtjes tashmë kanë paraqitur planet e hollësishme për detyrat e personelit të vet, të cilat nën udhëheqjen e gjeneralit në pension, Jay Garner, jo vetëm që do të merren me nevojat humanitare por do të vendosin edhe embrionet e administratës së ardhshme anembanë Irakut. Britania, sikurse shume vedne të tjera evropiane duan që roli i forcave në terren të jetë i kufizuar.
Së dyti, Britania ka propozuar që Kombet e Bashkuara të organizojnë një konferencë në Bagdad, dhe që të vendosin autoriteti kalimtar. Franca dhe Rusia pajtohen me këtë propozim por Shtetet e Bahskuara e shohin një rol më modest për Kombet e Bahskuara .
Së treti, me siguri dë të ketë debate të shumta rreth marrveshjeve komerciale, për rindertim, naftë dhe gjëra të tjera pasi të ketë përfudnuar lufta.

Pozita e Uashingtonit rret këtyre çështjeve është bërë e qartë nga sekretari amerikan i shtetit, Colin Powell, i cili ka thënë se koalicioni, do të thotë kryesisht, Shtetet e Bashkuara dhe Britania, drejtuan luftën kështu që do të duhet të kenë rolin kryesor në të ardhmen politike dhe ekonomike të Irakut. (BBC)

Aeroplani amerikan bombardon të vetët

Ushtarë amerikanë dhe luftëtarë kurdë Një aeroplan luftarak amerikan në veri të Irakut ka bombarduar gabimisht një grup ushtarësh amerikanë të forcave speciale.
Disa prej ushtarëve amerikanë dhe disa luftëtarë kurdë kanë humbur jetën gjatë sulmit.
Korrespondenti i BBC-së, Xhon Simpson që u ndodh në vendngjarje është plagosur.
Ai e pa bombën që shpërtheu ndërsa një kolonë makinash kurde parakaloi makinat me ushtarë amerikanë.
Mes të plagosurve në bombardim është vëllai i Masud Barzanit, udhëheqësit të Partisë Demokratike Kurdistane.
Komandantë ushtarakë amerikanë thonë se po hetojnë një incident të shkaktuar nga një aeroplan F15, gjatë të cilit humbën jetën tre ushtarë amerikanë dhe pesë të tjerë u palgosën.
Ata nuk përmendën viktima kurde, por komandantë kurdë thonë se 14 ushtarë të tyre humbën jetën në incident. (BBC)

5 Prill 2003 (Liria) Lufta në Irak

Udhëheqësi irakian del në rrugët e Bagdadit

Televizioni irakian ka shfaqur pamje te cilat thotë se janë të presidentit Sadam Husein duke u takuar me banorë që brohorasin nëpër rrugët e Bagdadit.
Videoja tregonte një burrë duke buzëqeshur dhe të relaksuar i veshur me uniformë ushtarake i cili në një moment përqafoi një foshnjë.
Zëdhënës amerikanë kanë sugjeruar se personi ishte sozia e udhëheqësit irakian.
Por një korrespondent i BBC-së në Bagdad thotë se një grup irakianësh të cilët panë filmin thanë se ai ishte presidenti irakian.
Ata thanë se lëvizjet ishin ato të Sadam Huseinit dhe se edhe ecja ishte tipike e presidentit Sadam.
Tymi i zi i parë në sfond tregonte se pamjet ishin filmuar pas flllimit të luftës përpara dy javësh.
Më herët, televizoni irakian kishte shfaqur atë që ai e cilësonte si fjalim të presidentit ku ai i bënte thirrje popullit të Bagdadit që të sulmonte trupat amerikane dhe britanike.

Powell: Jo sulm ndaj Sirisë e Iranit

Sekretari amerikan i Shtetit, Colin Powell, ka mohuar se Siria dhe Irani janë objektivat e ardhshme të goditjes nga Uashingtoni.
Në një intervistë me gazetën londineze në gjuhën arabe, al-Hayat, zoti Powell tha se Shtetet e Bashkuara nuk kishin ndonjë synim t'i pushtonin këto vende.
Zoti Powell tha se askush në administratën amerikane nuk kishte folur për ndonjë sulm ndaj Sirisë apo Iranit.
Ai ritheksoi politikën zyrtare amerikane se si Irani ashtu edhe Siria përbënin një problem duke mbështetur terrorizmin dhe duke prodhuar armë të shkatërrimit në masë.
Por zoti Powell vuri në dukje se kishte mënyra të tjera për ta zgjidhur këtë problem.
Komentet e tij mendohet se janë një përpjekje për të larguar frikën që ekziston në botën myslimane se Siria dhe Irani mund të pushtohen pasi të jetë rrëzuar Sadam Huseini.
Javën e kaluar ai i dha Teheranit dhe Damaskut një paralajmërim të fortë që të mos mbështesin terrorizmin.
Kolegu i tij, sekretari i Mbrojtjes, Donald Rumsfeld, shkoi edhe më tej duke i akuzuar këto vende se po ndërhynin në luftën ndaj Irakut duke lejuar kalimin në Irak të furnizimeve ushtarake dhe të luftëtarëve vullnetarë.
Komentet e fundit të zotit Powell pasojnë deklarata nga kryeministri britanik Toni Bler të premten që tha se amerikanët nuk kishin ndonjë plan për të sulmuar Sirinë apo Iranin pasi të rrëzonin regjimin irakian. (BBC)

Kapet rruga për në Tikrit

Në veri të Bagdadit, njësitë amerikane Rangers dhe forcat speciale njoftohet se kanë marrë nën kontroll rrugën që të çon në vendlindjen e presidentit irakian Sadam Huseinit, Tikrit.
Zyrtarë të komandës qendrore në Katar thanë se në autostradë janë vendosur postoblloqe pas bombardimeve të disa segmenteve të saj.
Korrespondentët patën spekulluar se udhëheqësi irakian mund të kërkojë të largohet për në Tikrit, nëse detyrohet të iki sa më parë prej Bagdadit.

Pushim në veri
Ka pasur një pushim të bombardimeve amerikane në vijat e frontit pranë qytetit verior irakian të Mosulit.
Në ditën e tretë të bombardimeve avionët B-52 ndërmorrën një sërë sulmesh në Iraku verior këtë mëngjes
Gjatë një bombardimi intensiv njëorësh bombat goditën pozicionet irakiane në vijën e frontit që ndan territorin e kontrolluar nga regjimi irakian dhe rajoni autonom kurd.
Tani komandantët thonë se po presin të shohin nëse irakianët do të tërhiqen apo nëse do të nevojitet të kërkohen më shumë bombardime.
Deri tani irakianët janë kundërpërgjigjur me goditje sporadike me artileri, por nuk është vënë re ndonjë lëvizje.
Në ditët e fundit vija e frontit ka ndryshuar dhe rreth 500 luftëtarë kurdë kanë përforcuar ish-pozicionet irakiane.
Kurdët po veprojnë së bashku me forcat speciale amerikane për të përforcuar vijën e re të frontit. (BBC)

Rice-SHBA, rol drejtues pas luftës

Condolezza Rice Këshilltarja amerikane për çështje të sigurisë, Condolezza Rice thotë se forcat e udhëhequra nga SHBA dhe jo Kombet e Bashkuara do të luajnë rol drejtues në Irak pas luftës.
Ajo tha se kjo nuk ka pse të jetë surprizë, pasi ata kanë dhënë jetën dhe gjakun për atë që ajo e quajti çlirim i Irakut.
Rice tha se fillimisht Iraku në të vërtetë do të drejtohet nga një zyrë që do të ketë në krye një gjeneral amerikan të dalë në pension e cila do të përgjigjet para Pentagonit.
Pikëpamjet e saj janë në kontrast me ato të sekretarit amerikan të shtetit, Colin Powell i cili tha se kishte filluar një dialog mbi rolin e Kombeve të bashkuara.
Ndërkohë, Toni Bler kërkon që OKB-ja të përfshihet shpejt në dhënien e ndihmave dhe rindërtimin e Irakut, por po ashtu po kaq e rëndësishme edhe në krjijimin e një qeverie të re atje.
Zoti Bler dhe Bush do t'i rikthehen kësaj teme potencialisht përçarëse në bisedimet e tyre të javës së ardhshme, ku zoti Bler ashtu si edhe në të shkuarën shpreson të bindë presidentin Bush që të dëgjojë sekretarin e tij të jashtëm. (BBC)

Tanket amerikane futen në Bagdad

Komandantët amerikanë thonë se tanket dhe mjetet e tyre të blinduara kanë hyrë në periferitë jugore të Bagdadit për herë të parë dhe kanë hasur vetëm në rezistencë sporadike nga njësitë e Gardës Republikane.

Një korrespondent i BBC-së në Bagdadin qëndor thotë se nuk ka parë tanke amerikane, por se dëshmitarë të besueshëm kishin parë prova të qarta se në periferinë jugore ishin zhvilluar luftime.
Ai thotë se dëshmitarët kishin parë gëzhoja nëpër rrugë, disa transportues të blinduar të djegur irakianë, si dhe një tank të shkatërruar.
Njoftohet se në rajon ka ende forca irakiane, por nuk shihen forca amerikane.
Zëdhënësi ushtarak amerikan në selinë e komandës në Katar, kapiteni Frank Thorpe, tha se forcat amerikane kishin qenë rreth tre kilometra larg vendit ku ishin gazetarët.
Zëdhënësi amerikan tha se një numër i konsiderueshëm trupash amerikane ka hyrë në qytet pasi tanket kryen misione testimi.
Por ai tha se operacioni i tanishëm nuk ishte për të mbajtur territore.
"Kjo lëvizje nuk është për të marrë territor, në këtë pikë nuk ka qenë objektivi ynë të mbajmë ndonjë territor në Bagdad," tha kapiteni Thorpe.
"Ky ishte një rast që komandanti i forcave tokësore pa për të futur trupat në një rajon kryesor të Bagdadit, dhe e shfrytëzoi atë rast dje (e premte) duke futur me qëllim formacionin e blinduar nëpër zemrën e Bagdadit," tha zëdhënësi ushtarak amerikan kapiteni Thorpe.

Iraku: Aeroporti nën kontroll
Autoritetet irakiane i kanë kundërshtuar njoftimet se forcat amerikane ka hyrë në Bagdad dhe se kanë nën kontroll aeroportin ndërkombëtar.
Ministri irakian i Informacionit, Mohhammed Said al-Sahhaf tha se aeroporti është nën kontrollin e Gardës Republikane dhe se amerikanët janë rrethuar në një fshat të vogël në veri të aeroportit
"Pesë kolona të atyre mercenarëve sulmuan aeroportin ndërkombëtar Sadam, ne i kufizuam ata, dhe pastaj i zbrapsëm e i rrethuam, pastaj janë zhvilluar luftime të ashpra gjatë natës së kaluar," tha zoti Sahhaf.
"Ne i shtypëm forcat në aeroportin ndërkombëtar Sadam, tani garda Republikane është në kontroll të plotë të aeroportit ndërkombëtar Sadam," tha ministri irakian.
Ai shtoi se forcat amerikane ndodhen të rrethuar jashtë aeroportit në rajonin Abu Rate dhe po goditen "me raketa dhe artileri të rëndë".
Kapiteni Thorpe ju përgjigj deklartës irakiane duke thënë se ajo është e pabazuar.
"Ne në fakt kemi trupa në aeroport ... trupat e blinduara të koalicionit po lëvizin nëpër zemrën e Bagdadit, tha zëdhënësi ushtarak amerikan. (BBC)

4 Prill 2003 (Liria) Lufta në Irak

Shtypi

Vendi ky u krye sulmi vetvrasës Sulm tjetër vetvrasës në Irak

Komanda qëndrore e forcave amerikane në Katar ka njoftuar se një makinë ka shpërthyer pranë një pike kontrolli në qendër të Irakut, duke lënë të vdekur tre ushtarë amerikanë dhe duke plagosur dy të tjerë.
Njoftohet se kanë vdekur edhe shoferi i makinës si edhe një grua shtatzënë.
Një zëdhënës i trupave amerikane tha se sulmi dukej se ishte vetëvrasës.
Ai shtoi se shpërthimi ndodhi të enjten pasdite, pasi makina ndaloi afër pikës së kontrollit, në perëndim të Qerbelasë.
Gruaja shtatzënë doli nga makina dhe filloi të ulërinte, mesa dukej nga frika, dhe pataj makina shpërtheu.
Ky me sa duket është sulmi i dytë vetëvrasës i luftës. (BBC)

Sadami bën thirrje për qëndresë

Sadam Huseini në televizionin irakian Presidenti irakian, Sadam Husein, ka dalë në televizion dhe i ka bërë thirrje banorëve të Bagdadit që të luftojnë kundër trupave amerikane dhe britanike.
"Filloni të luftoni, ata do të turpërohen dhe do të munden dhe ne do të kemi nder dhe lavdi," tha ai në një mesazh televiziv.
Nuk është e qartë se kur dhe ku është regjistruar mesazhi, por udhëheqësi irakian i referohet pranisë së ushtrisë rreth kryeqytetit dhe disa qyteteve të tjera irakiane.
Më vonë presidenti irakian u dha në televizionin irakian duke ecur nëpër rrugët e Bagdadit dhe duke takuar qytetarë irakianë.
Më herët, ministri irakian i Informimit, Mohammed Saeed al Sahaf, tha se Iraku mund të ndërmarrë ato që ai i quajti "veprime jokonvencionale kundër trupave amerikane në aeroportin e Bagdadit".
Ai shtoi, megjithatë, se Iraku do të përdorë operacione që ai i quajti të martirizmit dhe jo armë të shkatërrimit në masë.

Fushatë dyshimesh
Njoftime nga Uashingtoni thonë se administrata amerikane ka filluar një fushatë për të shkaktuar dyshime në mendjet e irakianëve nëse presidenti është i gjallë.
Ministri i Jashtëm irakian, Naxhi Sabri, ka insistuar të premten se udhëheqësi irakian është shëndoshë e mirë.
"Ka spekullime dhe thashetheme, qeveritë në Britani dhe Uashington janë të specializuara për të gënjyer dhe për të fabrikuar," tha zoti Sabri.
"Ai dje doli në një takim që pati me ministrat," tha ai.
Zoti Sabri nuk pranoi të thoshte nëse ishte takuar vetë me presidentin irakian.
"Presidenti është mirë, udhëheqja është mirë dhe ata po funksionojnë dhe po udhëheqin vendin si normalisht," tha ministri i jashtëm irakjan.

Thirrje irakianëve
Ka patur njoftime kontradiktore për lajmin që dhanë trupat amerikane se një klerik i rëndësishëm shi'it i ka bërë thirrje irakianëve të mos pengojnë veprimet e trupave të koalicionit.
Amerikanët thonë se urdhëri i Ajatollahut të Madh Sistani në qytetin e shenjtë të Naxhafit shënon një kthesë të rëndësishme.
Por Zyra e Ajatollahut në Iran thotë se nuk mundet që ta konfirmojë se është lëshuar një urdhëresë e tillë dhe se ai ende mund të jetë nën arrest shtëpie nga autoritetet irakiane.
Televizioni irakian thotë se Ajatollah Sistani dhe fetarë të tjerë në Naxhaf i ka bërë thirrje irakianëve që të mbrojnë atdheun nga pushtimi. (BBC)

Rezistencë irakiane rreth Bagdadit

Ndërsa forcat amerikane vazhdojnë përparimin drejt kryeqytetit irakian, Bagdad, ato po hasin në xhepa rezistence të ashpër nga njësitë e Gardës Republikane.
Ka luftime rreth aeroportit ndërkombëtar të Bagdadit dhe në juglindje të qytetit.
Korrespondenti ushtarak i BBC-së thotë se pritet që të ketë ende luftime të ashpra përpara, por se strategjia e tanishme amerikane është e qartë - të presë arteriet kryesore drejt Bagdadit dhe për ta izoluar qytetin nga pjesa tjetër e vendit.
Tank amerikan pranë aeroportit Në një betejë, një kolonë marisash amerikane që po i afrohej qytetit përgjatë lumit Tigër, ra në pritë rreth 50 kilometra në juglindje.
Një korrespondent i BBC-së ishte dëshmitar i një beteje një orëshe që përfundoi me qindra irakianë, përfshirë ushtarë të Gardës Republikane, të dorëzuar apo zënë rob.
Zyrtarët amerikanë thonë se gjithëgjithë gjatë natës janë dorëzuar 2500 irakianë.
Korrespondenti ynë me marinsat thotë se ka shenja se grupe të vogla të Gardës Republikane po rigrupohen
dhe planifikojnë të ngrenë prita të tjera përgjatë rrugës drejt Bagdadit.
Njoftohet se divizionet e ushtrisë amerikane po e ngushtojnë rrethimin e tyre në afërsi të Bagdadit nga jugu dhe perëndimi.

Luftime pranë aeroportit

Një njësit i divizionit amerikan të këmbësorisë po zhvillon luftime për të marrë nën kontroll të plotë aeroportin ndërkombëtar të Bagdadit në jugperëndim të qytetit.
Ushtarakët amerikanë thonë se shumica e aeroportit është pushtuar, por njësitet irakiane ende po rezistojnë përgjatë perimetrit të aeroportit.
Po ashtu, ka patur dhe kundërsulme irakiane mbi aeroportin nga brenda Bagdadit.
Një oficer amerikan tha se shumë tanke irakiane janë shkatërruar dhe të paktën 40 irakianë janë zënë rob.

Amerika u bën thirrje irakianëve

Sekretari amerikan i mbrojtjes, Donald Rumsfeld ka thënë se nuk ka asnjë shans për ndonjë marrëveshje paqeje, që do ta lejonte presidentit Sadam Husein të qëndronte në pushtet.
Zoti Rumsfeld bëri një apel ndaj ushtarëve irakianë që ata të dorëzonin armët "përpara se të ishte vonë".
"Oficerët dhe ushtarët irakianë ende mund të mbijetojnë dhe ndihmojnë në rindërtimin e një Iraku të lirë, nëse veprojnë siç duhet," tha sekretari amerikan i mbrojtjes.
"Ata duhet të vendosin tani, nëse do të kenë të njëjtin fat si Sadam Huseini, apo do të shpëtojnë lëkurën e tyre, duke u kthyer kundër atij diktatori të dënuar dhe të ndihmojnë forcat që po çlirojnë Irakun", tha zoti Rumsfeld.
Në të njëjtën dalje para shtypit, Gjenerali Richard Myers bëri një pasqyrë të mënyrës se si trupat po i afroheshin Bagdadit.
Ai foli kundër formës tradicionale të rrethimit të qytetit dhe shtoi se trupat amerikane po vepronin me durim në aksionin për marrjen e qytetit.

3 Prill 2003 (Liria) Lufta në Irak

Shtypi

Avionët e koalicionit kanë gjuajtur mbi pozicionet e Gardës Republikane

Oficerët e një divizioni të mekanizuar të kombësorisë amerikane thonë se njësitë e tyre të avancuara ndodhen dhjetë kilometra afër Bagdadit.
Disa ushtarë thuhet sa po vendosen afër aeroportit ndërkombëtar "Sadam", në perëndim të qytetit.
Korrespondenti i BBC-së që ndodhet me këtë divizion, thotë se nuk është e qartë nëse pritet një sulm mbi aeroportin, por se humbja e tij, do të ishtë një grusht i fuqishëm për qeverinë e Sadamit.
Ndërkohë në Bagdad, ministri irakjan i informacionit, Mohamed Saeed al Safah i ka hedhur poshtë njoftimet se forcat e udhëhequra nga amerikanët po i afrohen Bagdadit, si krejtësisht të pavërteta.
Ai shtoi se përkundrazi, forcat irakjane po u shkaktojnë dëme trupave amerikano-britanike.
" Një betejë e ashpër po zhvillohet midis njësive të GArdës Republikane - Gardës heroike Republikane dhe mercenarëve amerikanë dhe britanikë, në jug të Kut-it. Ata janë mposhtur, janë mposhtur rëndë... Ne po u japim një mësim shumë të vërtetë sot. Nuk mjafton të themi viktima të mëdha. Ne po shkatërrojmë tanke, automjete, po i vrasim dhe do të vazhdojmë," tha z.al-Sahaf.
Korrespondentë përendimorë që ndodhen në brendësi të Bagdadit thonë në periferi të qytetit është intensifikuar zjarri artilerik dhe bombardimet me raketa.
Megjithatë korrespondenti i BBC-së në qytet thotë megjithëse ka shëtitur nëpër qytet, nuk ka parë shenja të ndonjë përgatitje të madhe ushtarake për të mbrojtur Bagdadin. (BBC)

Konsensus në rritje për Irakun

Kolin Pauell në Bruksel Sekretari amerikan i Shtetit, Kolin Pauell tha të enjten në Bruksel se Kombet e Bashkuara do të kenë patjetër një rol në Irakun e pas luftës.
Por ai shtoi se para se të vendoset saktësisht për rolin e OKB-së, duhet të bëhen diskutime të tjera.
Pas takimeve që pati në Bruksel me ministra të vendeve të NATO-s dhe të Bashkimit Evropian, z. Pauell tha se është koha që komuniteti ndërkombëtar të bashkohet për t'i siguruar një të ardhme më të mirë banorëve të Irakut.
Ai shtoi se ishte diskutuar dhe mundësia që NATO-ja të luajë një rol pas luftës në Irak dhe se nuk kishte patur kundërshtime për një ide të tillë.
Megjithatë, z. Pauell tha se fillimisht, pasi të ketë përfunduar lufta, komandantët ushtarakë britanikë dhe amerikanë do të jenë përgjegjës për sigurinë në vend.
Por Sekretari amerikan i Shtetit shtoi se Shtetet e Bashkuara duan që shumë shpejt të krijojnë një administratë të përkohshme të përbërë prej vetë irakjanëve.
Sekretari i Përgjithshëm i NATO-s, Lordi Robertson, tha se ka shenja se po arrihet një konsensus transatlantik për të ardhmen e Irakut.
Megjithatë, ministrat e Jashtëm të Suedisë dhe Finlandës thanë se ka ende shumë ndryshime në opinione. (BBC)

Al Jazeera lë Irakun

Kanali televiziv satelitor në gjuhën arabe, Al Jazeera, thotë se ka pezulluar raportimet nga Iraku, pasi autoritetet dëbuan një nga korrespondentët e tij dhe një tjetër e ndaluan të punonte.
Nuk ka patur konfirmim për kufizimet e vendosura nga autoritetet irakiane, të cilat kanë marrë masa të ngjashme edhe ndaj shumë rrjeteve televizive perëndimore, përfshirë CNN.
Kanali satelitor me qendër në Katar, Al Jazeera gëzon reputacion dhe popullaritet edhe pse se ka zemëruar qeveri të ndryshme arabe.
Intervistat me politikanë disidente apo shkrimtarë që kritikojnë regjimet arabe kanë çuar në mbylljen e zyrave të saj në një numër kryeqytetesh arabe.
Kjo ka ndikuar për keq në marrëdhëniet diplomatike mes Katarit dhe shteteve si Arabia Saudite dhe Jordania.
Që nga fillimi i luftës mbi Irak, kanali është kritikuar ashpër nga Britania dhe Shtetet e Bashkuara se shfaqi pamje të ushtarëve të koalicionit të zënë rob ose të vrarë.
Al Jazeera u përgjigj duke i akuzuar qeveritë perëndimore për standarde të dyfishta sepse rrjetet evropiane dhe amerikane kishin shfaqur pamje të robërve irakiane.
Kanali, i cili financohet nga Emiri i Katarit, është kritikuar në të kaluarën se ka qenë mjaft i afërt me qeverinë irakiane.
Al Jazeera i ka hedhur poshtë kategorikisht akuzat se ka mbajtur anën e Irakut, dhe padyshim do ta përdorë këtë konfrontim me Bagdadin si provë të pavarësisë së saj editoriale.

Turqia lejon kalimin tokësor të trupave aleate

Në Turqi një autokolonë me më shumë se 20 kamionë të mbushur me xhipe ushtarakë të lehtë që kanë destinacion bazat e forcave amerikane në Irakun verior ka kaluar kufirin turko irakian.
Kjo është autokolona e dytë me pajisje ushtarake në dy net radhazi që janë marrë nga bazat amerikane në Turqi për t'ju dërguar forcave amerikane në Irakun verior.
Çdo kamion thuhet se ka dy xhipe ushtarake.
Zhvillimi i fundit ka rëndësi pasi trupat amerikane në zonën e kontrolluar nga kurdët vijnë me parashuta dhe kanë shumë nevojë për makina.
Edhe koha kur po ndodh kjo lëvizje ka rëndësi.
Sekretari amerikan i shtetit, Colin Powell zhvilloi bisedime të mërkurën në Turqi dhe kërkoi ndihmë për trupat amerikane në Irakun verior.
Turqia më herët e kishte hapur hapësirën ajrore, por kishte refuzuar të lejonte kalimin e trupave tokësore nëpër terrritorin e saj.

Avion dhe helikopter amerikan rrëzohen

Amerikanët thonë se kanë humbur një avion luftarak F-A18 Hornet mbi Irak.
Rrjetet televizive amerikane thonë se aeroplani, i nisur nga një aeroplanmbajtëse, ishte goditur nga një raketë tokë-ajër. Nuk dihet çfarë ka ndodhur me pilotin.
Kjo është humbja e parë e një avioni luftarak pa helikë që nga fillimi i luftës.
Të mërkurën në darkë edhe një helikopter Blackhawk u rrëzua mbi në Irakun qëndror gjatë një misioni.
Helikopter Blackhawk Një deklaratë e pentagonit thotë se mendohet se në bord kishte gjashtë vetë. Fati i tyre dhe shkaku i rrëzimit po hetohen ende.
Më parë njoftimet e agjencive dhanë një histori të ndryshme. Ato citonin burime të paidentifikuara të Pentagonit që thonin se helikopteri ishte rrëzuar pasi ishte qëlluar me armë të lehta pranë qytetit Qerbela.
Të njëjtët zyrtarë citohet të kenë thënë se ishin vrarë shtatë ushtarë amerikane dhe katër të tjerë ishin shpëtuar pas rrëzimit.

Luftime për Bagdadin
Rajoni rreth Qerbelasë ka qenë skenë luftimesh të ashpra midis divizionit të tretë amerikan të këmbësorisë dhe forcave irakiane, përfshirë njësite të Gardës Republikane.
Ndërsa forcat amerikane vazhdojnë përparimin e tyre drejt Bagdadit, zyrtarë të Pentagonit thonë se disa njësi të Gardës Republikane irakiane kanë filluar të lëvizin drejt jugut për t'u përballur me to.
Zyrtarët thonë se nuk është i qartë numri i njësive që po lëvizin.
Goditje me artileri Ushtarakë amerikanë thanë se forcat e tyre ishin më pak se 50 kilometra nga Bagdadi pasi përparuan në dy fronte.
Në Uashington, gjenerali Stanley McChrystal i shtabit të përbashkët amerikan tha se Pentagoni po përgatitej për luftime të vështira dhe se nuk priste që të hynte në kryeqytetin irakian duke e marë papritur. (BBC)

Arkivi | Komente | Lajme tjera | Lufta në Irak - Arkivi