Qendra për informim Lajmet.com

( Vallë, a, e kanë harruar amerikanët procesin famëkeq të Sakos dhe Vancetit!!!)

Gjyqet mafioze, që thirren në emër të ligjeve penale të Serbisë

Nga Teuta Zymberi

Psikologjia e kurdisjeve sot në Kosovë është bërë një ELEGANCË e tmerrshme mafioze kundër veprimtarëve të denjë të çështjes kombëtare. Prokurorët ndërkombëtarë qe katër vite kurdisin gjyqe të falsifikuara kundër individëve, të cilët përherë janë dëshmuar atdhetarisht në çështjen kombëtare. Fatkeqësisht, në këto kurdisje marrin pjesë edhe shqipfolës tanë, marrin pjesë edhe shërbimet sekrete serbe. Nuk të çudisin shërbimet tjera,sa të çudisin shërbimet elegante të dëshmitarëve shqiptarë që dëshmojnë rrejshëm dhe aq paturpësisht për të ndihmuar në instalimin e një procesi politik kundër liridashësve e patriotëve shqiptarë.

Nga këto procese mafioze, sot shumë komandantë e luftëtarë të lirisë veç janë ngujitur nëpër burgje në Kosovë me dënime tepër absurde, që nuk i kap mendja e shëndoshë e çdo njeriu. Burgjet po mbushen, megjithatë me patriotë shqiptarë...Atje përtej Drinit të ngujitur qëndrojnë qe disa ditë në mënyrë tejet të pakuptimtë edhe Gafurr Adili dhe Taip Mustafaj! Atje larg në Hagën e çmendur janë ngujuar po ashtu liridashësit shqiptarë, Fatmir Limaj me shokë. Në burgjet e Maqedonisë, shqiptarët torturohen egërsisht, ndërsa në Serbi vazhdojnë të zhduken të zhdukurit shqiptarë dhe vazhdon të heshtë heshtja vrastare ndaj Mr. Ukshin Hotit. . Proceset e montuara politike sot në tërë hapësirën shqiptare veç kanë hyrë në një histori të re të trishtimit e tragjedisë shqiptare Gjyqet mafioze marrin pjesë në krim duke dënuar komandantët dhe luftëtarët e lavdishëm të Ushtrisë Çlirimtare të Kosovës

. Dhe, vallë, a e kanë harruar procesin famëkeq të një gjyqi gangsterësh në Amerikë, prokurorët ndërkombëtarë të UNMIK-ut?! Nëse po, opinioni përparimtar amerikan dhe ai evropian nuk e ka harruar kurrë asnjëherë këtë ngjarje tronditëse njerëzore, sikurse nuk do të binden kurrë as shqiptarët dhe nuk do të harrojnë procesin famëkeq të fundit të Komandant Remit me të gjitha proceset tjera tronditëse, që u veprua me komandantë tjerë të UÇK-së.

Padashur të shkoj në historinë mbrapa, prokurorët ndërkombëtarë në Kosovë, më çojnë apo më kthejnë tek ajo ngjarje e dhimbshme në historinë njerëzore së fundi, me gjykimin e Grupit të Llapit me dyzet e pesë vjet burg dhe vetëm Komandant Remi i dënuar me 17 vjet burg, shënon ngjarjen më misterioze dhe më tronditëse të proceseve gjyqësore jo në Kosovë, por thjeshtë edhe në botë

E di, se historia e një ngjarje që do të hyjë fillimisht mes këtyre rreshtave, ndoshta nuk mund të identifikohet me personazhet shqiptare, por besoj , se nga disa pikpamje, kjo ngjarje e dhimbshme, që e ndriçoi më vonë për opinionin botëror, shkrimtari i njohur, Xhon, Dos Pasos, u flet gjithashtu protoganistëve tanë shqiptarë, që po vazhdojnë jetën e tyre nëpër burgje , ku gjyqësia dhe prokuroria ndërkombëtare po ngritë aktakuza të rreme të krimit e dënimit kundër tyre

Në vitin 1927, ndodhi një ngjarje tronditëse, ku edhe sot amerikanët nuk e kanë harruar. Është fjala për procesin famëkeq të Sakos e Vancetit, që borgjezia amerikane kurdisi kundër dy punëtorëve militantë, duke treguar hapur frikën para lëvizjes revoluconare të proletaritait. Në mbrojtje të jetës së dy punëtorëve militantë u ngrit opinioni përparimtar amerikan dhe një lëvizje e gjërë politike përfshiu shumë vende të botës për të bashkuar thirrjen e tyre kundër gënjeshtrës dhe për t?i dalë zot të vërtetës. Në këtë aksion politik me një thirrje të Veçantë i drejtohet popullit amerikan dhe Gjyqësisë amerikane edhe shkrimtari i njohur Anatol Frans: ?Mos lejoni që ky dënim kryekëput i padrejtë të zbatohet. Dënimi i Sakos dhe Vancetit do t?i bëjë ata martirë, ndërsa ju qeveritarë do t?ju mbulojë me turp Ky është një krim i paharrueshëm, që asgjë s?mund ta fshijë dhe që rëndon brez pas brezi. Shpëtejeni Sakon e Vancetin për nderin tuaj, për nderin e fëmijëve tuaj dhe të brezave që s?kanë lindur? Organet e Rendit dhe të Policisë së atëhershme, shtypi dhe opinioni zyrtar thurrën një farsë të tërë tragjikomike për t?i dënuar medoemos këta dy militantë të pafajshëm. Fati i Nikolla Sakos dhe Bartolomeu Vancetit u bë çështje prekëse në opinionin përparimtar amerikan. I tërë ky opinion u ngrit në demonstrata të fuqishme për të treguar pafajsinë e dy punëtorëve që po akuzoheshin si vrasës.

Por, heronjtë e kësaj ngjarje tragjike qëndruan në burg afro shtatë vjet dhe vetëm në vitin 1927 u ekzekutuan në karrigen elektrike. Më vonë koha e vërtetoi se militantët nuk ishin vrasës por, ishin të pafajshëm.

Sot, është një histori tjetër për proceset famëkeqe që po ndodhin në Kosovë, por jo edhe aq ndryshe nga kjo ngjarje që e përshkruam më lartë. Sot, mafia thirret në emër të drejtësisë Komandantët tanë, e luftëtarët tanë shqiptarë po akuzohen dhe po dënohen për krime lufte. Shumë veprimtarëve tjerë u sajohen aktakuza perfide për nxitje të urrejtjes ndërnacionale, për rrezikim të rajonit, për terrorizëm. Shumë të tjerë janë futur në Listat e Zeza.

Por, sot, si do ta lajnë turpin prokurorët e UNMIK-ut?! Si do ta lajnë turpin të gjithëa ata që marrin pjesë në krimin e dënimit?! Sot të gjithë , kudo shqiptarët duhet të ngrisin zërin kundër Departamentit të Drejtësisë i kthyer në Departament të Mafisë. Prokuroria ndërkombëtare shërbehet me ligjet e Serbisë kundër shqiptarëve

Çka duhet të bëjnë intelektualët tanë, intelegjenca shqiptare, akademikët, shkrimtarët tanë!? Le të bëjnë atë që duhet bërë për luftëtarët e lirisë, sikurse bëri Anatol Frans me thirrjen e tij të fuqishme,që e çoi në këmbë Amerikën dhe jo veç amerikanët kundër procesit famëkeq të dy punëtorëve militantë...