Qendra për informim Lajmet.com

Kah po shkon anija turbulente e Universitetit të Tetovës,cilat janë alternativat e mundshme praktike të tejkalimit të gjendjes aktuale

Mr. Rufi Osmani, Gostivar

,,Marsi studentor,, ky sinonim i lëvizjes aktuale studentore problematizoi edhe njëherë në tërë kompleksitetin e vet çështjen e hapur të Universitetit të Tetovës. Lëvizja studentore ,,Marsi Studentor,, u prodhua nga vendimi arbitrar dhe tërësisht i pajustifikueshëm i Senatit të UT-së për shkarkimin e rektorit të UT-së prof. Dr. Ramiz Abdyli.
Lëvizja studentore në fjalë përbën përpjekjen më serioze të deritashme për reformimin dhe ristrukturimin e brendshëm demokratik të UT-së me objektiv përkrahjen e reformatorit rektorit Abdyli në rrugtimin e tij të vështirë për transformimin e mbrendshëm strukturor të UT-së si parakusht për përfundimin me sukses të procesit të legalizimit të UT-së. Paraqitja e lëvizjes studentore në skenën publike arsimore dhe kombëtare të shqiptarëve në IJRM nxori në pahë edhe një herë ekuilibrin tepër të brisht të një paqe dhe stabilitetit me shumë të panjohura dhe probleme që presin zgjedhjen nga qeveria aktuale e maqedonisë.

Si mund të pranohet vendimi skandaloz i Senatit të UT-së në lidhje me rektorin prof.dr. Ramiz Abdyli ?

Emrimi i prof.dr. Ramiz Adylit në postin e Rektorit të UT-së në përvjetorin e e fundit të UT-së me këtë status u mirëprit nga të gjithë forcat progresive shqiptare si brenda UT-së ashtu edhe jashtë tij.Personaliteti i historianit të verfikuar shqiptarë edhe jashtë kornizave shkencore shqiptare paraqiste një kandil shprese se ndoshta së fundi ,,tempulli i lotëve dhe sakrificës shqiptare ,, do të mirte epilogun e dëshiruar të legalizimit.Mirëpo forcat regresive që kishin kundërtuar realisht këtë zgjedhje nuk ishin jasht UT-së, të njejtit ishin strukurë në organin që edhe e kishte zgjedhur rektorin Abdyli të prirë nga ,, i vetshpalluri rektori i nderit Fadil Sulejmani,,.
Autori i këtij shkrimi në një analizë të mëhershme të botuar në gazetën FAKTI në janar të këtij viti paralajmëroi rreziqet e brendshme dhe të jashtme me të cilat mund të ndeshet Rektori i sapozgjedhur si pasojë e faktit që Rektori në fjalë ishte i çveshur paraprakisht nga kompetencat dhe faktit që administrata dhe në veçanti organet e UT-së kryesisht përbëhen nga individ dhe njerëz tërësisht të instrumentalizuar dhe të manipuluar nga ish rektori Fadil Sulejmani.
Për fat të keq paralajmërimet e autorit të kësaj analize u verifikuan si të sakta. Senati i UT-së gjegjësisht Senati i z.Fadil Sulejmanit dhe strukturave militare të tij nuk pati durim të presi që rektori prof. Dr. Ramiz Abdyli të bënë 100 ditët e menaxhimit me këtë institucion dhe në ditën e 80 të mandatit e shkarkoi nga posti i rektorit në një mbledhje tepër konspirative,tërësisht jotransparente,pa justifikimin minimal dhe pa prezencën e rektorit Abdyli.
Në arsyetimin spektakular të z.Fadil Sulejmanit dhe të hijes së tij Nexhbedin Beadinit për shkarkimin e rektorit Abdyli përmendet gjoja,,përtacia dhe mospuna e z.Abdylit në drejtim të zyrtarizimit të UT-së dhe asgjë më shumë,,.
Autori është i mendimit se opinioni më i gjër dhe në veçanti studentët,prindërit e tyre dhe profesorët duhet të përkrahin fuqimisht lëvizjen studentore dhe të demaskojn në tërësi këto organe dhe bartësit (manipulatorët) e tyre dhe vendimet e tyre antidemokratik me qëllim të rruajtjes së dinjitetit minimal akademik dhe rikthimit të shpresës për legalizimin e Universitetit të Tetovës.
Kush janë organet e UT-së dhe kush menaxhon realisht adminisitratën dhe pasurin popullore të UT-së ?

Anëtarët e Senatit,Bordit,Unionit studentor,Këshillave mësimore-shkencore dhe Dekanët e fakulteteve në UT janë zgjedhur në këto organe në bazë të kriterit të vetëm atij të lojalitetit dhe të nënshtrimit të pakusht ndaj z.Fadil Sulejmanit dhe vizionit të tij për UT-në pa transparencën minimale në procedurën zgjedhore. Një praktikë e kësaja natyre në veçanti është zbatuar në fakultetin Ekonomik ku autori është ligjërues. Duhet të potencohet me këte rast se Dekani dhe këshilli mësimor i këtij fakulteti është zgjedhur në një procedur tërësisht arbitrare dhe pa informimin paraprak të profesorëve dhe studentëve të këtij fakulteti.
Praktika e njejtë e selekcionit negativ dhe zgjedhjes kuadrore nënshtruese dhe të instrumentalizuar janë imponuar dhe aplikuar nga strukturat e ish rektorit Sulejmani në të gjitha organet e UT-së.
Moment që vlen të analizohet me këtë rast është administrata e UT-së dhe menaxhimi i mjeteve financiare të UT-së.Përkundër faktit që në pajtim edhe me Statutin aktual në fuqi me Administratën dhe mjetet financiare duhet të menaxhon Rektori në mandatin e Rektorit Abdyli këto segmente me rëndësi përmbajtësore funkcionale të institucionit në fjalë ishin në tërësi jashtë kontrollit të rektorit Abdyli dhe të dirigjuara dhe kontroluara nga Fadil Sulejmani dhe strukturat e tij.
Nëse një menaxher nuk ka në dispozicion administratën dhe mjetet financiare të domosdoshme në kryerjen e detyrave me përgjegjësi në qeverisje me institucionin në krye të të cilit është emëruar shtrohet pyetja se me cilat mekanizma institucional alternativë ai mundet efektivisht të ushtron përgjegjësist dhe kompetencat në fjalë ?
Në situatën në të cilën ndodhej rektori Abdyli objektivisht ka duruar dhe bërë shumë më tepër sepse i njejti ka qen tërësisht i vetmuar dhe i bojkotuar nga strukturat në fjalë.
A është sot UT-ja institucion popullor ose institucion privat ?

Universiteti i Tetovës u themelua nga një grup i intelektualëve shqiptarë në vitin 1994.Në bashkëthemelimin e UT u bashkangjitën së pari komunat e Tetovës,Gostivarit dhe Dibrës dhe pas ndarjes së re teritoriale të komunave dhe zgjedhjeve lokale të vitit 1996 edhe 20 komunat tjera shqiptare në Maqedoni.
Strukturat komunale në fjalë së bashku me një pjesë të deputetëve shqiptar ishin të përfaqësuara në mënyrë adekuate në Senatin e UT deri në vitin 1998. Më pasë në bazë të ndryshimeve arbitrare dhe juridikisht të paverifikuara këto përfaqësues të strukturave politike shqiptare si përfaqësues të vullnetit të elektoratit shqiptarë u përjashtuan në tërësi nga organi më i lartë i UT-së. Preteksi i përjashtimit ishte gjoja depolitizimi i UT-së,preteks ky që post festum u dëshmua se kishte qen vetëm një fars e kulluar.
Objektivi i këtij përjashtimi të faktorit politikë shqiptarë kishte qen uzurpimi i plotë i kompetencave vendimmarëse nga profesorët dhe studentët të nënshtruar ndaj menaxhmentit absolutist,antidemokratikë dhe pa kurfar transparence të ish rektorit Sulejmani.
Financimi vullnetar i popullsis vendore dhe mërgatës shqiptare në diaspor në kontinuitet ka shënuar tkurjen e tij për të përfunduar definitivisht gjatë luftës së UÇK-së në vitin 2001 me disa përjashtime të rralla. Pra edhe finacimi si një element shumë përmbajtësor i karakterit popullor krahas atij përfaqësues-politikë të UT-së definitivisht nuk reflekton legjitimitetin popullor të këtij institucioni.
Pas çveshjes së tërësishme të organeve vendosëse të UT-së nga ndikimi i pushtetit qendror dhe komunal shqiptar në Maqedoni,pas eliminimit të tërësishëm të kontrollit me mbykqirjes nga organet e brendshme dhe nga persona kompetent në kuadër të UT-së dhe nga fondacionet në botën e jashtëme mbi menaxhimin e mjeteve finaciare shtrohet pyetja logjike : Në bazë të cilit kriter mund të cilësohet sot UT-ja se është institucion popullor dhe se nuk është institucion privat defakto i kontrolluar tërësisht nga ish rektori Sulejmani ?
Për hir të së vërtetës autori dëshiron të informoj se deri në vitin 1996 ka qen anëtar i komisionit për financim të UT-së vit në të cilin komisoni në fjalë u zhbë në mënyrë arbitrare nga ish rektori,ndërsa në vitin 1997 si kryetar i Gostivarit ka qen anëtar i Senatit dhe pas daljes nga burgu në vitin 1999 ka vazhduar prezencën e tij në UT në cilësin e asistentit dhe më pas të profesorit pas mos pranuar të jet anëtar në asnjë organ vendimmarës të UT-së të kurdisur nga ish rektori Sulejmani.
Cili është roli i Izair Samiut alias komandant Bacës në UT dhe kan legjitimitet struktura e tija të sigurimit brenda UT-së ?

Prezenca e strukturave të sigurimit të Izair Samiut mbrenda Universitetit dhe jashtë tij është një dilemë e papërgjigjur e cila shqetson shumicën e studentëve dhe profesorëve të UT-së.Struktura në fjalë në periudhën e deritashme të prezencës në UT ka qen në mision të mbajtjes së rendit dhe qetsis,ndërsa gjatë lëvizjes studentore,,Marsi studentor,,vazhdon të jet në mbrojtje të z.Fadil Sulejmanit dhe përkrahësve të tij por deri tash pa penguar lëvizjen studentore në manifestimin e kërkesave të tyre deri në portën hyrëse të Universitetit.
Shumica e profesorve dhe studentëve nuk ka informacionin më minimal se në bazë të cilit vendim dhe të cilit organ struktura e sigurimit me në krye Izair Samiun është inkorporuar në UT dhe cili është objektivi dhe mandati i tyre.
Autori dëshiron të besoj se në këtë rast z.Izair Samiu dhe struktura e tij e sigurimit nuk do të mbajn anën e askujt dhe se në momentin e duhur do të tërhiqet nga godina e UT me dinjitet dhe nder ashtu siç i takon një komandanti me fam të ish UÇK-së.
Cili është qëndrimi i vërtet i i BDI-së ndaj ngjarjeve të fundit në UT ?
Pas urimit që kryetari i BDI me ekipin e tij i bëri rektorit Abdyli kjo parti kryesisht është në heshtje në lidhje me ngjarjet e fundit në UT. Deputeti i BDI Fazli Veliu në një pronocim të tji në Fakti ndërmjet të tjerave deklaron;rektori Ramiz Abdyli duhet të vazhdon punën e vet dhe se ska ndodhur asgjë e jashtëzakonshme,,.
Disa pyetje për deputetin në fjalë dhe shokët e tij në BDI:
- Në cilën hapsirë administrative rektori Abdyli duhet të ushtron funksionin e vet tash kur në zyrën e rektorit ,,funkcionon ushtruesi i detyrës së rektorit,, ?
- Cila është cilësia e përfaqësismit e rektorit Abdyli tash kur ,,organet e Fadil Sulejmanit,, kan bërë defakto shkarkimin e tij ?,
- Me cilën organ,struktur të profesorëve ose me cilën adminsitrat rektori Abdyli mund aktualisht të bashkëpunon ?
- Cili është qëndrimi i strukturave të sigurimit të Izair Samiut ndaj rektorit Abdyli pas shkarkimit të tij ? dhe shumë pyetje e dilema të tjera.
JO, z.Fazli Veliu dhe ju zonja dhe zotrinj të BDI, në UT ka ndodhur pikrisht gjendja e jashtëzakonshme. Pa anulimin e vendimit të Senatit të UT nuk ka se ku rikthehet funkcionalisht rektori prof.dr. Ramiz Abdyli.
Ju si BDI legjitimuat dhe bindët (detyruat) rektorin Abdyli që të pranoj detyrën e rektorit si zgjedhje kompromisi pas tentativës tuaj të pasuksesshme me prof. Remzi Nesimin atëherë kur askush tjetër nuk e pranonte dhe prandaj ju keni detyrim dhe përgjegjësi morale,politike dhe kombëtare që ti qëndroni pas dhe të mbroni personalitetin dhe vizionin e tij për legalizimin e UT-së.

Disa rekomadime,

Me qëllim të daljes nga situata aktuale në UT autori rekomadon :

Rivaliteti politik dhe publik në mes të Izair Samiut dhe Ali Ahmetit i filluar me emrin e shkollës së Shemshovës nuk guxon të arij pikën e konfrontimit dhe thyerjes në rastin e Univeristetit sepse këto dy çështje nuk mund të ekuilibrohen në bazë të asnjë kriteri vlerësues.UT-ja nuk është dhe nuk mund të jet teren i kompromisit ose konfrontimit të ri në mes të dy personaliteteve në fjalë.
Rekomandimin që u dhashë prof. Fadil Sulejmani se do të dështoni në zgjedhjet e fundit politike nuk e përfillet. Duke dështuar politiksht ju humbet kreditin e fundit politik dhe popullor të thireni në emër të popullit në çështjen e Universitetit të Tetovës. Sot të ripërsëris rekomandimin e njejtë se dështimi i jot me skenarin e fundit në UT është i paevitueshëm. Tërhiqu sepse e ke gabim, koha jote universitare definitivisht ka përfunduar. Patriotizmin megalloman verbal tëndin në mision të realizimit të ,,objektivave tua gjithëkombëtare,, realizoi në terene të tjera jashtë Universitetit .
Çështjen e legalizimit të Universitetit të Tetovës duhet ta kesh pikën e vetme të debatit në një takim të veçant me partnerët tuaj të koalicionit qeveritar z.Ali Ahmeti sepse vetëm me një qasje serioze të këtill do të mund të korigjosh lëshimin e bëre nga ekipi juaj i negociatave gjatë kyçjes së partis tuaj në koalicionit aktual qeveritar,
Zoti ministër i arsimit Azis Pollozhani ju rekomadoj që leksionet tuaja për reformat universitare që na i servoni nëpër tribuna dhe mediume të vish dhe ti zbatosh në UT duke udhëhequr komision e reformave të rektorit Abdyli pasiqë paraprakisht të kesh ndar mjete financiare në Ministrin e arsimit në kuadër të buxhetit të shtetit për vitin 2003 sepse vetëm në këtë mënyrë do të dëshmosh seriozitetin e një reformatori modern arsimor ,
Zoti nënkryetar i qeveris Musa Xhaferi pse vallë në planin tuaj akcional për jetësimin e marrëveshjes së Ohrit dhe në buxhetin për vitin 2003 ju dhe ministrat tjerë shqiptarë nuk e keni inkorporuar Universitetin e Tetovës ?
Zonja kryenegociatore politike shqiptare Teuta Arifi e ke detyrim moral shkencor në bisedimet e mëtejme me partnerët tuaj të koalicionit ROZE ta vesh njëherë në rend edhe Universitetit e Tetovës si pjesëmarrëse shkenctare në politikën aktuale.
Përderisa pararendësit politikë shqiptarë themeluan UEJL dhe anashkaluan Universitetin e Tetovës,BDI-së deshi ose s,deshi i ka ngelur përgjegjësia dhe mundësia që të mbylli çështjen e UT-së ,sa më parë që ta kryeni këtë mision aq më mirë për të gjithë,meritat dhe komplimentet do tu takojn juve të BDI-së.

Pyetjet në variantën e rekomadimeve të mësipërme autori i ka bashkëbiseduar me shumë student,profesor dhe prindër të cilët ndajnë shqetsimin e përbashkët për ,,tempullin e lotëve dhe të sakrificës,, dhe për fatin e pafat të studentëve të këtij institucioni.

Të ndërpritet vonesa e përsëritur e BDI-së në çështjen e UT-së,

Autori në përfundim të këtij teksti dëshiron të ripërsësrit edhe njëherë të vërtetën se edhe rikthimi në gjendjen paraprake në UT me në krye Rektorin Abdyli dhe realizimi i reformave të mbrendshme në UT janë vetëm një hap i domosdoshëm drejt hapjes së debatit për legalizimin e UT-së ,por të njejtat nuk përbëjn garancion se UT-ja do të legalizohet nga organet gjegjëse shtetërore.

Ndërprerja e protestave të studentëve me kërkesë të kryetarit të BDI-së nën premtimin se do të gjindet rrugëdalje nga qorrsokaku aktual në afat prej 5 ditëve autori e ka pranuar si pjekuri dhe konstruktivitet të lëvizjes studentore me objektiv të tejkalohet situata aktuale me një bashkërendim korrekt të faktorit arsimor dhe politikë shqiptarë.
Themelimi i një komisioni të përbashkët për legalizimin e UT-së ndërmjet përfasuesve të Ali Ahmetit dhe strukturave të Fadil Sulejmanit dhe Komandant Bacës me disa ekspert të jashtëm në kuadër të kornizës aktuale juridike paraqet një kompromis të ri joprincipiel i cili ka pak gjasa të gjen formulën e vërtet të legalizimit të UT-së. Autori është i mendimit se Komisioni në fjalë është vetëm një kompromis i çastit i cili sakrifikoi pa të drejtë personalitetin e prof.dr. Ramiz Abdylit dhe do tu shërben të dy palëve që të fitojnë në kohë deri në konfrontimet e reja në të ardhëmen. Autori preferon të jet i gabuar në vlerësime dhe komisonit në fjalë i dëshiron sukses në realizimin e objektivit për legaliziomn e UT-së si institucion arsimor legal me finacim buxhetor.
Ngel përgjegjësia e padiskutueshme e BDI-së si parti shqiptare pjesëmarëse në pushtet të krijon kornizën juridike dhe të arin marrëveshjen me partnerët e koalicionit qeveritar me ndihmën (lehtsimin) e faktorit ndërkombëtarët për legalizimin e UT-së.Mesazhin e lëvizjes studentore,,marsi i studentëve,, se agonisë 9 vjeçare të UT-së me status jolegal i ka ardhur fundi e kam pranuar si profesor i tyre dhe edhe njëherë shprehi konsideratën dhe mirënjohjen time më të thellë për guximin dhe vizionin studentor që të transformon dhe legalizon përfundimisht Universitetin e Tetovës.
Këtë mesazh bujar dhe vizionar në veçanti e kan për detyrim moral ta pranojn dhe përkrahin studentët dhe prindërit e tyre fati profesional,financiar dhe jetësor në instancë të fundit është në pikëpyetje.Kërcnimet dhe shantazhet e shumta që u bëhen studentëve dhe profesorëve përkrahës të lëvizjes studentore janë të destinuara të dështojn që në nismë dhe prandaj ju o të mjerë pavarsisht kush jeni hiqni dorë nga këtë veprime ogurrzeza sepse nesër do ta keni ndërgjegjen dhe fytyrën e njollosur.
100 ditët e para qevisëse të BDI-së në koalicionin ROZE tashmë janë e shkuar e haruar dhe inshalla do të jen të papërsëritshme.Pranimi nga ana e BDI-së e ligjit që të kompenzohen financiarisht vetëm familjet e viktimave maqedonase por jo edhe familjet e viktimave shqiptare është një gabim strategjik i cili devalvon rëndë luftën të cilës ju i prit duke shkelur mbi amanetin dhe gjakun e dëshmorëve të UÇK-së fakt ky që vë një dyshim të madh në motivet dhe objektivat e vërteta prijësve aktual të BDI dhe ish UÇK-së.

Autori ngel në shpresë se ,,ish shqiponjat e UÇK-së,, tashmë të transformuar në ,,pëllumbat integrist demokrat,, përfundimisht do të ZGJOHEN dhe do të mobilizojn radhët e veta duke mos u vonuar edhe në çështjen e UT-së ashtu siç vonohen në vazhdimësi në jetësimin e marrëveshjes kornizë të Ohrrit në mandatin e deritashëm qeveritar.