Qendra për informim Lajmet.com

Përpjekjet sllavo-maqedone për të nëpërkëmbë shqiptarët autoktonë

Komunikatë

Gjatë javëve të fundit forcat policore dhe ushtarake të ndihmuara nga maskat paramilitare janë lëshuar në një aksion kundër shqiptarëve autoktonë,edhe atë në të gjitha fshatrat e Kumanovës dhe të Shkupit.

Parashtrohet pyetja cili është qëllimi i tyre?

Shkupi zyrtar duke përdorë një shkas për arrestimin e një personi,ka lëshuar në gjahë njësitet më elite policore dhe ushtarake për të nëpërkëmbë dinjitetin e shqiptarëve.

Prandaj ne veprimtarët dhe simpatizantët e LPK-së për Kumanovë – Likovë reagojmë ashpër ndaj vendimeve dhe aksioneve të këtilla sepse çdo përpjekje për ta futur popullin shqiptar nën thundrën e hekurtë,do të shkaktoj pasoja të pallogaritshme jo vetëm për IRJM por edhe për tërë rajonin.

Qeveria e Shkupit duhet ta harrojë politikën e dhunës dhe kërbaçit policor sepse kjo politikë ka vdekë bashkë me ish-Jugosllavinë.

Prandaj LPK-ë, pas analizave të shumta dhe informatave erdhi në përfundim që të reagoj kundër qeverisë së Shkupit e cila si dje ashtu edhe sot i ka dënuar shqiptarët me vdekje,kurse “bajraktarëve” shqiptarë të cilët e ndihmojnë këtë qeveri u themi troç që të largohen nga rruga e turpit.Zëvendësi i Brankit Musa Xhaferi të cilin Kumanova dhe ish-luftëtarët e njohin për injorancë të skajshme, në vend që ta vizitoj rajonin e luftës ,në vend që t`iu shpreh ngushllime familjeve të dëshmorëve,të cilët ia sollën postin më të lartë të qeverisë,ua dërgon forcat policore siç thotë ai “ për ta mbrojtur popullin”.Pasi qenka kështu pse Musa Xhaferi nuk i dërgon në Kërçovë për t`i mbrojtur shtëpitë e reja që kanë filluar t`i ndërtojnë.

Në anën tjetër bashkpuntori i tij i ngushtë Agron Buxhaku thotë se forcat kanë shkuar për ta arrestuar një kriminel.Parashtrohet pyetja se a dërgohen 3 700 policë e ushtarë dhe a rrethohen 33 fshatra për një njeri.Prandaj vijmë në përfundim se më kriminel se Musa Xhaferi dhe Agron Buxhaku nuk ka, të cilët urdhërojnë bashkë me maqedonët në Këshillin e Sigurimit të IRJM-së, të dërgojnë me mijra forca të shoqëruara me mjete më moderne ushtarake në fshatrat e shqiptarëve,të cilët luftuan me trimëri të rrallë dhe dualën fitimtarë në luftën e vitit 2001.Që të dy derisa ish-luftëtarët e UÇK-së luftonin me heroizëm në malet e Karadakut dhe Sharrit ata takoheshin me Ilinka Mitrevën në Bruksel dhe në Luksemburg .

Përveç kësaj ne si LPK-ë pas analizave të shumta vijmë në përfundim që deputetin e zonës Nazmi Beqirin të mos e njohim më si deputetë dhe për kumanovarët praktikisht ai përfaqson interesat e grupit të tij,sepse në bazë të informatave ai me disa të tjerë është bërë ideator i përçarjeve dhe shkaktar i të gjitha të këqiave në anën e Kumanovës.

Prandaj për Musa Xhaferin,Agron Buxhakun dhe Nazmi Beqirin kërkojmë nga z.Ali Ahmeti që t`i shkarkoj në mënyrë urgjente përndryshe nënkuptohet se ky agresion në fshatrat shqiptare dhe të gjitha veprat e ulta të bëra pas luftës konsiderohen se janë bërë me pëlqimin e tij.

Udhëheqsisë më të lartë të BDI-se ia tërheqim vërejtje që të mos zhvilloj propagandë për përvetsimin e ish-ushtarëve sepse kumanovarët nuk e kanë ndërmend as të antarsohen as ta ndihmojnë, derisa ajo mbron interesat e cërvenkovskit dhe i shkel bashkatdhetarët e vet.

Ua tërheqim vërejtjen ish-ushtarëve që të jenë në rrugë – në rrugën e lirisë dhe e vetmja parti është emblema të cilën e lamë me djersë dhe me gjak,ajo e Ushtrisë Çlirimtare Kombëtare,por pa funksionarët e tashëm të cilë u bënë më zi se ata të dikurshmit.

Prandaj atyre individëve të cilët i ka paguar BDI-ja për propagandë u themi që ta mbyllim gojën përndryshe do të jenë bashkfajtor.

Dhe në fund nëse qeveria e Cërvenkovskit e shoqëruar me bashkpuntorë shqiptarë hidhet në luftë kundër shqiptarëve autoktonë do të dështojë më keq se ajo e Georgievskit.

Lavdi dëshmorëve të Kombit
Rroftë populli shqiptarë
Kumanovë,6.09.2003 Këshilli i LPK-së
për Kumanovë-Likovë