Qendra për informim Lajmet.com

Politikë "kompetente"

Viena do të kujtohet për "rep-festivalin" ndërkombëtarë të shallit dhe shajkaqës

Opinionin kosovar aspak nuk e habiti shkuarja e duetit Rugova-Daci në Vienë, edhe pse nuk i kishin parë fare "notat muzikore" ata kishin shprehur gatishmëri të merrnin pjesë në "festivalin e Vienës" për të bërë pazar politik me trion serbe "Zhivkoviq, Çovic dhe Lajiq", dhe në Vienë kënduan dueti shqiptar dhe trio serbe, dhe asnjëri nuk kuptoi se çfarë shpërblimi fitoi dueti që përfaqësonte Kosovën LDK-iste

Nuk është ky përdhunimi i parë i institucioneve demokratike të Kosovës, këtë e bëri edhe më heret , nën presionin e Kushnerit shpartalloi parlamentin dhe shfuqizoi kushtetutën e Kaçanikut, pa një arsyetim të vlefshëm, pa konvokuar asnjëherë mbledhjen e parlamentit, duke i shënuar ende si data historike, por që i shkeli me të dy këmbët me një mbyellje të syrit të z. Kushner. Nuk janë pra të qëndrushme dhe etike mendimet lidhur me shkuarjen apo mos shkuarjen e delegacionit në Vienë, ato janë krejtësisht triviale përballë argumenteve për transparencë institucionale, komunikim interinstitucional dhe komunikim me opinionin "to person" (vlera qenësore të etikës demokratike dhe institucionalizimit).

Agim Vuniqi, SHBA

Zhvillimet e fundit politike në Kosovë, si dhe ato rreth kompetencave institucionale - se cili institucion në kierarki është me i fuqishëm se tjetri, rivalitetet mediale, por edhe deklarata për opinion para nisjes në Vienë të zëdhënësit të kryetarit koncesual të Kosovës se vendimi i tij për bisedime me palën serbe (e cila para shkuarjes mori bekimin nga kisha ortodokse serbe dhe vete kryepopi serb Pavle) mbështetet në Kornizën Kushtetuese (jo në Kushtetutën e Kosovës) nuk qëndron pasiqë në Vienë nuk bëhej fjalë për një përfaqësim protokolar të Kosovës meqë kjo e drejtë edhe ashtu është rezervuar vetëm për PSSP (dmth. bëhej fjalë për kompetencat e rezervuara të PSSP dhe të UNMIK-ut, sipas rezolutës 1244 dhe të Kornizës Kushtetuese), prandaj paraqitja e tillë ishte manipulative dhe shërbente vetëm për konsumim të brendshëm, meqë pranimi apo mosranimi i bisedimeve për çështje praktike me palën serbe, në Vienë, ishte më tepër çështje politike dhe koncensuale - institucionale, dhe nuk kishte fare lidhshmëri me çështjen e kompetencave (detyrave të punës) të kryetarit koncensual, i cili u zgjodhë nga një marrëveshje tripalëshe LDK-PDK dhe AAK (e cila u sponzorua nga ambasadori Menzis, dhe u fuqizua nga ish PSSP të OKB-së) aprovimi i së cilës u finalizua në parlamentin multietnik të Kosovës. Edhe ashtu çështjet praktike të natyrës teknike tangojnë më tepër në kompetencat legjislative që burojnë nga parlamenti multietnik (po që se aprovohen nga PSSP) dhe që realizohen përmes qeverisë multietnike të Kosovës.

Opinionin kosovar aspak nuk e habiti shkuarja e duetit Rugova-Daci në Vienë, edhe pse nuk i kishin parë fare "notat muzikore" ata kishin shprehur gatishmëri të merrnin pjesë në "festivalin e Vienës" për të bërë pazar politik me trion serbe "Zhivkoviq, Covic dhe Lajiq", dhe në Vienë kënduan dueti shqiptar dhe trio serbe, dhe asnjëri nuk kuptoi se çfarë shpërblimi fitoi dueti që përfaqësonte Kosovën LDK-iste. Dhe në fund të gjithë u ndan të kënaqur dirigjenti Hollker dhe përfaqësuesit e estradës shqiptare dhe të asaj serbe por edhe auditoriumi pjesëmarrës, ata tërë kohën shfletonin skenarin e festivalit. Kontributi i tyre ishte spektakular, më në fund Viena nuk do të njihet vetëm për Mozartin dhe Shwarcengerin, ajo do të kujtohet edhe për rep-festivalin ndërkombëtar të shallit dhe shajkaqës.

Nuk është ky përdhunimi i parë i institucioneve demokratike të Kosovës, këtë e bëri edhe më heret , nën presionin e Kushnerit shpartalloi parlamentin dhe shfuqizoi kushtetutën e Kaçanikut, pa një arsyetim të vlefshëm, pa konvokuar asnjëherë mbledhjen e parlamentit, duke i shënuar ende si data historike, por që i shkeli me të dy këmbët me një mbyellje të syrit të z. Kushner. Nuk janë pra të qëndrushme dhe etike mendimet lidhur me shkuarjen apo mos shkuarjen e delegacionit në Vienë, ato janë krejtësisht triviale përballë argumenteve për transparencë institucionale, komunikim interinstitucional dhe komunikim me opinionin "to person" (vlera qenësore të etikës demokratike dhe institucionalizimit).

Janë absurde dhe shumë të papërgjegjëshme propozimet e tija "të papërtypura" fare politikisht, duke i bërë publike emocionet momentale se: me ndërrimin e flamurit dhe himnit rrumbullakësohet projekti i pavarësise (edhe pse Kosova vazhdimisht është në terr- jo vetëm fizik), pastaj propozimi i mëhershëm drejtuar ministrit të kulturës (sado që të jetë i arsyeshëm) në sallën e Teatrit Kombëtar (me rastin e shënimit të 21 vjetorit të vrasjes së Jusuf e Bardhosh Gërvallës dhe Kadri Zekës, e organizuar nga kryesia e LDK-së) që në të ardhmen për të arritura në fushën e muzikës të bëhet ndarja e shpërblimit "Kitara e artë e Jusuf Gërvallës" propozim i cili as që u shqyrtua ndonjëherë, si dhe propozimi drejtuar kryetarit të Prishtinës për zyrtarizim të objekteve ndërtimore pa leje, e tash së fundi "Darka e Lamës" do bëhet festë shtetërore (dhe kështu shqiptarët do të kënaqen me lezetin" e shtetit, pensionistët me pensione "të majme, arsimtarët me "extra" rroga, invalidët me përkujdesje të shtetit që organizon darka shtetërore), janë këto jo vetëm shkelje e kompetencave por edhe mosnjohje sistemore e institucionalizmit, meqë kjo paraqet ndërhyrje e papresedencë në kompetencat institucionale, ngase ministritë janë pjesë përbërëse e Qeverisë si organ ekzekutiv i parlamentit, ai në te vërtetë shkeli edhe institucionin i cili e vendosi meqë propozimet e kryetarit koncesual duhet të adresoheshin në parlamentin e Kosovës, ngase edhe funksioni i tij buron nga parlamenti i cili fuqizoi nje marrëvëshje në mes tri subjekteve kryesore politike LDK-PDK-AAK, është pra marrëveshje koalicioni për bashkëqeverisje meqë asnjëri subjekt politik nuk përmbushi kuotën e 61 votave.

Statusi i kryetarit në demokracitë parlamentare është më tepër dekorativ se sa domethënës, dhe atë në shtetet demokratike dhe ekonomikisht stabile, për dallim nga funksioni i kryetarit koncensual të Kosovës, i cili më tepër është këshilldhënës, dhe atë në rastet kur nuk ka koncenzus politik në mes të tri subjekteve kryesore politike bashkëqeverisëse, prandaj është plotësisht qesharake kur bënë krahasime me sistemin politik dhe shtetëror të SHBA-së, ku funkcionon sistemi presidencial i qeverisjes, prandaj përpjekjet e tij për degradimin e institucioneve demokratike që burojnë nga Korniza Kushtetuese dhe ringritja e "zyrës së presidentit" mbi të gjitha institucionet, pra edhe mbi parlamentin, janë përpjekje për zhvendosje te institucioneve sipas dëshirës, duke penguar në funksionalitetin e tyre, duke mos respektuar fare normat demokratike, duke mos pranuar dialogun, fuqinë e argumentit por edhe trasparencën si mjet civilizues për stabilizimin dhe forcimin e institucioneve demokratike të mbështetura po nga ai elektorat dhe ai popull që ia dha voten edhe subjektit politik që ai udheheqë.

Për të fshehur mosefikasitetin politik duke treguar edhe mosnjohje të sistemit politik, ai e ndien veten më komfort në zyrën e tij, e cila nuk ka ndonjë peshë të veçantë në kierarkinë institucionale. Në këtë mënyrë bëhet edhe manipulimi me votën e elektoratit meqë për qëllime të caktuara politike-individuale pretendohet që të bëhet personalizimi dhe privativizimi i institucioneve, duke mos e bërë as më të voglën përpjekje për vendosjen e institucioneve në baza konstitucionale.

Janë pra brëngosëse faktet se si interesat partiake janë mbi ato qytetare, kjo ngase klasa politike nuk është e pavarur në gjykimet politike, meqë nuk ka pavarësinë ekonomike, prandaj ndodhë që interesat e qytetarëve të Kosovës të mos përfillen fare për dallim nga intereset e grupeve të interesit që janë shumë të fuqishme, prandaj është e shpeshtë edhe dukuria e grabitjes së kapitalit popullor me metoda mafioze për të cilën askush nuk dha përgjegjësi, bile politike, deri më sot.

Prandaj deri sa elektorati në Kosovë do të jetë në hamendje për shkaqe të pasigurisë ekonomike nuk mund të thuhet se ka elektorat stabil, meqë edhe ai udhëhiqet nga interesat e ngushta. Nuk mund të flitet për ndonjë menaxhmim të suksesshëm financiar në çfarëdo fushe për shkaqe të mosrrespektimit të marrëveshjeve, që drejtpërsëdrejti kanë pasoja në stabilitetin politik por edhe në realizimin e aspiratave të qytetarëve të Kosovës në të ardhmen.