Qendra për informim Lajmet.com

PERISKOPI I DREJTËSISË

Tribunali i Tiranës gjykoi në favor të Tiranës

Prof.Dr.Mehdi HYSENI

Siç bëri të ditur "BalkanWeb" përmes lajmit të orës 2,35, më 21 nëntor 2003, Gjykata e Faktit e Tiranës liroi nga burgu krerët e AKSH-së, Gafur Adili dhe Taip Mustafaj, të cilët për shkak të akuzës " për nxitje të urrejtjes dhe grindjes etnike", të ngritur nga ana e gjykata e Tiranës, që nga 1 korriku 2003 mbaheshin "pengjë" në burgun hetues të Tiranës. Si rrjedhim i një aktvendimi të

tillë racional largpamës të Gjyaktës së Faktit të Tiranës, sot, definitivisht u përmbyll si e pabazë "dosja" e ashtuquajtur e "nxitjes së urrejtjes ndërnacionale", e cila në mënyrë skandaloze dhe, pa kurrfarë të drejte iu pat atribuar krerëve të Armatës Kombëtare Shqiptare (AKSH-së) Gafur Adilit dhe Taip Mustafait, të cilët sot, në mungesë të provave, u shpallën të pafajshëm dhe të lirë.

Aktvendimin e Gjykatës së Faktit të Tiranës për lirimin nga burgu të Gafur Adilit dhe Taip Mustafajt, kam nderin dhe kënaqësinë e posaçme, që ta përshëndes dhe ta çmoj lart e gjithanshmërisht, sepse është një akt i drejtë, racional dhe, plotësisht me bazë të parrëzueshme ligjore, morale, juridike, kombëtare dhe patriotike, duke nxjerrë në shesh para opinionit kombëtar dhe atij ndërkombëtar, se krerët e akuzuar të AKSH-së, Gafur Adili dhe Taip Mustafaj, nuk kanë qenë të implikuar, as nuk kanë kryerë asnjë vepër të "nxitjes së urrejtjes ndëretnike", siç i fajësonte rëndë dhe pa të drejtë aktakuza e Prokurorisë së Tiranës.

Kolegji gjykues i Tribunalit të Tiranës, i drejtuar nga kryegjyaktësi Fehmi Petku, me nxjerrjen e aktvendimit të prerë, që krerët e AKSH-së, Gafur Adili dhe Taip Mustafaj, të lirohen nga aktakuza e montuar, dhe e përgatitur nga aktorë të ndryshëm të shërbimeve sekrete policore serbosllave e maqedone, si dhe të hyzmeqarëve të tyre vullnetarë, është akt i rëndësishëm juridik ligjor, sepse në mënyrë argumentuese, objektive dhe të guximshme, i përgënjeshtëroi si të pabaza, duke i hudhur në erë, të gjitha akuzat e kurdisura me karakter shpifës dhe spekulativ politik të frontit ortoks sllav (serbomaqedon), të orientuara jo vetëm kundër këtyre dy krerëve të AKSH-së, por edhe kundër organeve dhe institucioaneve të rendit dhe të drejtësisë së Republikës së Shqipërisë, që kishin për qëllim të fundit destabilizimin e saj, sipas devizës tanimë të njohur serbomadhe sllave , këtu e 100 vjet më parë: "divide et impera" të shqiptarëve dhe të Shqipërisë Etnike. Fatkeqësisht,kohëve të fundit, këtë
konstatim po e dëshmon edhe përzierja direkte dhe indirekte e "gishtave" greko-serbë me rastin e Himarës.

Me aktvendimin e lirimit të Gafur Adilit dhe të Taip Mustafait, Gjykata e Faktit të Tiranës me përfaqësuesin e saj të autorizuar, Fehmi Petku, pa dyshim, do të jetë një shmebull i pashlyerë pozitiv në historinë e drejtësisë kombëtare shqiptare, sepse praktikisht dëshmoi para opinionit, se kriteret dhe normat e saj vlerore juridike, ligjore dhe kushtetuese nuk priren, as nuk mbështeten në tendencat, në paragjykimet, në trsynitë dhe në idetë e errëta ortodokëse sllave dhe pansllave, që kanë për qëllim organzimin dhe shfarosjen e institucionalizuar të lirive dhe të drejtave individuale dhe kolektive të shqiptarëve, pavarësisht se ku ndodhen dhe ku jetojnë ata sot.

Gjithashtu, Gjykata e Faktit të Tiranës, me aktlirimin e Gafur Adilit dhe të Taip Mustafait, hudhi në erë të gjitha insinuatat, dyshimet dhe skepticizmin e manifestuar lidhur me këtë çështje, se institucionet dhe organet e caktuara të Tiranës (me gjasë) janë të influencuara dhe të dirigjuara drejtazi ose zhdrejtazi nga politika propagandistike shoviniste serbomaqedone sllave.

Për më tepër, aktvendimi i theksuar i Tribunalit të Tiranës, i la me "gishta në gojë" të gjithë armiqtë dhe kundërshtarët e Gafur Adilit dhe të Taip Mustafait, përkatësisht të procesit të ribashkimit të shqiptarëve dhe të Shqipërisë Etnike, ngase në vend të shqiptimit të dënimit të tyre, Kolegji gjykues me në krye Fehmi Petkun, e gjykoi çështjen drejt, dhe në favor të Tiranës, duke i mbyllur kësisoj të gjitha poret e politikave spekuluese dhe propagandave sllave e prosllave antishqiptare, dhe të rrugëve pa krye, që do të shpienin pa dyshim (për herë të parë në historinë e kombit dhe të shtetit shqiptar) në ngritjen e "Murit të Berlinit" apo të "Murit Kinez", që do të vulosnin përgjithmonë përçarjen dhe ndarjen fizike, shpirtërore, kombëtare dhe shtetërore të shqiptarëve dhe të Shqipërisë Etnike.

Autori i këtij komenti, përfiton nga rasti, që t'iu falënderohet sinqerisht dhe shqiptarisht si Gjykatës së Faktit të Tiranës, ashtu edhe të gjithë atyre veprimtarëve patriotë shqiptarë, që u angazhuan drejtpërdrejt, dhe kontribuan në forma të ndryshme për ndriçimin dhe gjykimin e drejtë të çështjes së Gafur Adilit dhe të Taip Mustafait.