|
Ka mjaftuar vetem nje telefon per te kuptuar gjithcka
rreth situates aktuale ne Maqedoni. Nga hotel "Maqedonia"
ne qender te Tetoves i telefonoj kryetarit te PPD per
t'i marre nje interviste.
-E pamundur te takohemi sonte!
Kur e pyes pse? ai nga ana tjeter e telefonit pergjigjet:
-Po nisem urgjentisht ne Zheline, pasi nje
bashkefshatarit tim i kane kerkuar 100 mije Euro. Nese
nuk i dorezon deri neser, atehere krejt shtepia do t'i
hidhet ne ere. Per t'i treguar se nuk bejne shaka, sonte
i kane hedhur nje granate ne oborrin ku mban traktorin
dhe disa pajisje bujqesore.
Nga xhamat e qelqte te hotel "Maqedonia" ne
qender te Tetoves hedh syte ne sheshin qendror te
qytetit. Nen nje tis te holle shiu si bore e shkrire,
leviz nje patrulle policie se bashku me dy ushtare te
armatosur. Me tutje nje makine tjeter policie.
Kalimtaret jane te pakte. Dyqanet pothuajse jane mbyllur.
Tek-tuk ndonje kafe punon akoma, por edhe aty klientet
jane te rralle. Duket qarte se qyteti e ka humbur
gjallerine dhe harene e dikurshme. Dhe eshte e shtune!?
Ne mengjes te gjitha gazetat ne gjuhen shqipe dhe
maqedonase lajmerojne me shkronja te medha se eshte
sulmuar perseri selia e BDI ne Shkup. Pra, te shtunen
kur njerezit shkojne per eeek-end, ne teater, ne lokale,
ne disko, ne mal apo buze liqenit te Ohrit per te kaluar
fundjaven, persona te panjohur kane sulmuar seline e
partise te shqiptareve ne pushtet. Demet kane qene te
konsiderueshme. Sulmi ka ndodhur ne oren 02.40 pas
mesnate. Atentatoret pasi kane shtene me arme automatike
dhe antitank jane larguar ne drejtim te paditur. E
njejta gje ka ndodhur dhe ne Gostivar. Aty vec selise se
partise, tre dite me pare jane vrare tre femra bullgare
dhe eshte plagosur nje tjeter. Tashme nata ne Maqedoni
quhet e kobshme. Ne stacionin policor te Bekos nje grup
shqiptaresh jane keqtrajtuar. Ne nje fshat te Kumanoves
nje punonjes i Ministrise se Puneve te Brendshme eshte
vrare. Keto jane lajmet e nje dite qe na percjell fqinji
yne lindor me siperfaqe 25 mije km2 e me nje popullsi
prej 2 milion banoresh. Keshtu Maqedonia qe deri dje
mburrej me harmonine nderetnike midis sllaveve,
shqiptareve, romeve, turqve e serbeve duket qarte se
eshte perfshire nga pasiguria.
Ekskluzivisht per KJ ne intervistuam dy nga lideret
kryesore shqiptare z.Ali Ahmeti kryetar i BDI dhe zotin
Abdurahman Haliti kryetar i PPD.
Z.Abdurahman si e vleresoni gjendjen aktuale ne Maqedoni?
-Situata ekonomike, politike e sociale sot ne Maqedoni
eshte shume e rende te vleresohet apo definohet. Me pak
fjale po ndodhin aq shume ngjarje njera pas tjetres, te
cilat nuk na japin te drejte te pohojme te kunderten. Me
pak fjale, edhe pse te gjithe apo gati te gjithe jemi te
interesuar per nje situate politie te qete e te sigurte,
qe ajo te marre kahun e deshiruar, perseri po ndodh e
kunderta. Interesi yne dhe i partive te tjera politike,
interesi i qytetareve qe jetojne ne Maqedoni eshte
qetesia, mirepo ja qe aktualisht ate nuk e kemi.
Fatkeqesisht nuk mund te pohojme se kemi situate te
mire, normale dhe te qete.
-Cfare keni parasysh kur thoni "se nuk keni situate
te mire, normale e te qete"? Cfare po e trondit
konkretisht Maqedonine kur lufta ka dy vjet qe ka
mbaruar, zgjedhjet kane perfunduar e qeveria eshte
formuar?
-Cdo dite kemi vrasje, plagosje, zenka te ndryshme. Jane
shpeshtuar rastet e rrembimit te personave, rekejtim te
atyre personave qe supozohet se ndoshta kane para apo
kapital. Fakti se ne Maqedoni, psh. ne Tetove pas ores
19.00 gati-tati boshatiset qyteti, flet mjaft per ate se
si e ndjen veten qytetari ne Maqedoni te lire apo jo!
Sivjet grabitjet jane shtuar, operojne grupe te ndryshme
kriminale te cilat akoma nuk jane ballafaquar me organet
e rendit e te drejtesise. Detyrimisht shtrohet pyetja:A
kane apo jo vullnet, a kane apo jo percaktim organet e
rendit e te drejtesise qe te ballafaqohen me keto
probleme?
-Partia qe ju drejtoni eshte nenshkruese e Marreveshjes
se Ohrit. Cfare behet per realizimin e saj?
-Lidhur me Marreveshjen e Ohrit degjojme percaktimin
sikur ajo po ecin shume mire etj.etj. Implementimi dhe
realizimi i marreveshjes se Ohrit duhet vleresuar ashtu
sic eshte. Edhe pse marreveshja e Ohrit nenshkrues te se
ciles jemi edhe ne eshte nje kuader qe garanton ose
duhet te garantoje bashkejetesen dhe bashkeqeverisjen
nderetnike. Mirepo ne kushtet e tanishme nuk kemi
rezultate konkrete. Perkundrazi mund te flasim per te
kunderten. Disa mund te thone se shqiptaret marrin pjese
ne udheheqje, ata bejne pjese ne qeveri, se kane 4
ministra, nje zv/kryeminister e keshtu me rradhe. Ne
fakt, kater ministra, nje zv/kryeminister e keshtu me
rradhe kemi patur edhe kater vjet me pare, madje dhe 8
vjet me pare per te mos folur per vitin '45 kur edhe
atehere kemi patur ministra shqiptare ne qeveri. Ky fakt
nuk thote asgje. Ata qe thone se tani pozita e
shqiptareve eshte avancuar per shkak se kane hyre vet ne
qeveri, genjejne veten. Ne qeveri, si dekor shqiptaret
kane qene edhe me heret. Te tille jane edhe tani. Ata
nuk kane asnje kompetence, asnje peshe, asnje rol vec
privilegjeve personale.
Eshte e vertete se pas Marreveshjes se Ohrit ka nje
disponim me te madh politik. Ky disponim eshte i
pranishem si tek koalicioni qeveritar ashtu edhe tek ata
qe nuk jane ne qeveri. Perjashtim ketu ben partia
VMRO-DPMNE e Gjeorgjevskit e cila megjithese e ka
nenshkruar marreveshjen e Ohrit nuk po i permbahet me
asaj. Sic e thashe shumica ka disponim politik per
implementimin e Marreveshjes se Ohrrit, mirepo nga ana
tjeter, ka forca, grupe dhe individe per te mos e
zbatuar kete marreveshje. Keto forca nuk duan psh. qe
shqiptaret te perfshihen proporcionalisht ne organet
shteterore dhe ne administraten publike. Te tjere, nuk
duan qe gjuha shqipe te sherbeje si gjuhe zyrtare. I
njejti qendrim mbahet dhe per pikat e tjera te
marreveshjes. Atehere, me thoni ju lutem c'kane fituar
shqiptaret? Asgje! Edhe tek partia ne pushtet sic eshte
LSDM-ja ka grupe e individe qe nuk duan realizimin e
marreveshjes se Ohrit. Po t'i pyesesh keta njerez te
gjithe te thone se i qendrojne Marreveshjes se Ohrit se
ne po perpiqemi ta zbatojme ate mirepo e fakt ka
tendenca per ta prishur ate, madje jane te gatshem t'i
degradojne edhe ato zgjidhje apo gjysme zgjidhje te
cilat shqiptaret i quajne sihariqe. Une mendoj se te
gjithe keta njerez qe punojne ne kete drejtim po
veprojne kunder vetes. Shpesh shtrohet pyetja: Cfare do
te ndodhe nese nuk implementohet deri ne fund
Marreveshja e Ohrit? Une per vete, mbroj mendimin se nga
moszbatimi i Marreveshjes se Ohrit, pra me fjale te
tjera, nese kjo formule per bashkeqeverisje nuk
funksionon atehere duhet ditur se shqiptaret e
Maqedonise nuk humbasin asgje. Humbesit e medhenj do te
jene vete maqedonasit. Largimi nga Marreveshja e Ohrit
do te ishte fatkeqesi e madhe per shtetin e Maqedonise
pasi do te rrezikohej perseri stabiliteti, paqja,
siguria. Madje do te humbej me shume se kaq. Do humbiste
vete shteti, ja pse forcat politike maqedonase duhet te
jene te vetedijshem per ato qe po ndodhin ne Maqedoni.
Deri tani maqedonasit jane treguar mosperfilles ndaj
Marreveshjes se Ohrit.
-Pas ketij realiteti cfare mund te behet qe te dyja
palet te jetojne, te punojne e te qeverisin se bashku?
-Per palen shqiptare, na takon ne qe te angazhohemi per
implementimin e plote e te drejte te Marreveshjes se
Ohrit. Ketu nuk ka dileme. Implementimi dhe funksionimi
i kesaj formule ne praktike do te siguronte paqe, siguri
e prosperitet jo vetem brenda komunitetit shqiptar, por
edhe me gjere. Une jam optimist se keshtu do te ndodhte.
Mirepo me duhet te them se ne krahun maqedonas ka te
pakenaqur ndaj marreveshjes se Ohrit. Ketu kam parasysh
ata maqedonas qe thone: Me Marreveshjen e Ohrit
maqedonasit e humben shtetin dhe pushtetin e tyre, se
bashkeqeverisja me shqiptaret si partnere te barabarte
eshte e pamundur. Nderkohe nga ana tjeter, ka shqiptare
te cilet gjithashtu mendojne se me Marreveshjen e Ohrit
shqiptaret nuk kane fituar asgje. Ne kete vazhde, mund
te kuptohen e mund te shpjegohen dukurite negative te
individeve e te grupeve, shqiptare e maqedonas te cilet
ne menyre radikale kerkojne t'i zgjidhin problemet. Ne
njerin krah deklarohet se Marreveshja e Ohrit eshte ne
dem te maqedonasve e ne krahun tjeter deklarohet se kjo
marreveshje eshte ne dem te shqiptareve.
-Mos valle shqiptaret kerkojne me shume, nderkohe qe
maqedonasit me sa duket nuk jane te pergatitur per te
lejuar psh. zyrtarizimin e gjuhes shqipe, qeverisjen
proporcionale etj.?
-Nuk mendoj se ceshtja duhet shtruar keshtu. Nuk behet
fjale per nxitim te njeres pale dhe hezitim te pales
tjeter.Ceshtja eshte komplekse. Marreveshja e Ohrit
parashikon forcimin e besimit te ndersjellte mes
komuniteteve, ne menyre te vecante mes shqiptareve dhe
maqedonasve. Per te arritur deri ketu shumecka duhet te
ndryshohet. Jo vetem ne sferen politike, por ne rradhe
te pare ne kokat e njerezve. Ne fund te fundit nga idete
e njerezve varen veprimet politike. Nese keto ide nuk
jane te reformuara, nese ata qe drejtojne kete vend nuk
jane te bindur se duhet te jene partnere me shqiptaret
per ta qeverisur kete shtet te perbashket, atehere ky
shtet eshte ne rrezik. Nuk con shume peshe angazhimi i
drejtperdrejte i faktorit nderkombetar. Ne nuk jemi te
detyruar t'i besojme njeri-tjetrit, por fillimisht le ta
kontrollojme njeri-tjetrin. Le te ndertojme mekanizma te
tille kontrolli reciprok qe te dime kush, cka dhe si
punon per kete shtet te perbashket. Kjo per te dyja
palet nuk qenk e lehte, qenka e pamundur. Shumekush,
edhe prej shqiptareve edhe prej maqedonasve mendon se
situata do normalizohet. Marreveshja e Ohrit do
implementohet. Pjesemarrja e shqiptareve ne
administraten e larte shteterore dhe ne ate te pushtetit
lokal do rregullohet etj.etj. Mirepo ne fakt situata ne
Maqedoni, aktualisht eshte paradoksale. Fondi Monetar
Nderkombetar dhe Banka Boterore kerkojne zvogelimin e
aparatit shteteror. Nga qeveria e meparshme kjo gje jo
vetem qe nuk u be, por numri i te punesuarve ne
administraten shteterore u rrit ne 12 mije vete. E tash,
duhet te nxirren nga puna jo 12 mije vete, por 27 mije
vete. Realizimi i barazise ekonomike, politike, sociale
kushton. Mirepo duhet ditur se mosrealizimi i ketyre
objektivave kushton shume me teper.
Ali Ahmeti
-A nuk ju duket se ngjarjet e fundit ne Maqedoni kane
vene ne rrezik implementimin e Marreveshjes se Ohrit?
-Nuk kemi asnje argument se pas akteve terroriste ndaj
selive tona, qendrojne bie fjala maqedonasit. Me keto
ceshtje duhet te merren organet kompetente. Ministria e
Puneve te Brendshme, Ministria e Drejtesise dhe
Prokuroria. Une nuk besoj se raste te tilla duhet te
perdoren per te politizuar situaten. U takon organeve
kompetente qe te jene vigjilente dhe te kembengulin ne
kapjen e autoreve.
-Partia juaj merr pjese ne qeveri. A ka ajo njerez te
pergatitur per ta qeverisur kete vend?
-Se pari, duhet te sqaroje se Bashkimi Demokratik per
Integrim ka njerez te pergatitur. Nuk eshte fjala per
levdata ndaj njerezve te partise qe une perfaqesoj. Kur
ata u perfshine ne gjirin e saj nuk e bene kete per te
marre pushtetin apo privilegje personale, por si
luftetare per te garantuar barazi, qetesi, siguri e
presporitet ne kete republike shume etnike.
-A eshte e vertete se edhe tani pas luftes per shkak te
sigurise jetoni dhe levizni si te jeni ne ilegalitet?
-Jo! Une leviz lirisht brenda dhe jashte Maqedonise.
Marr pjese ne te gjitha aktivitetet qe zhvillohen ketu.
Psh.dje isha ne inagurimin e nje fabrike ne Maqedonine
perendimore.Pak me pare isha ne festimet e 40 vjetorit
te pajtimit midis Gjermanise dhe Frances. Aktualisht
sapo jam kthyer nga vendlindja. Nuk jam ne izolim.
Perkundrazi, me vjen keq qe per shkak te angazhimeve te
shumta nuk jam afer elektoratit qe me ka votbesuar.
-C'hapa konkrete do te ndermerrni per konkretizimin e
Marreveshjes se Ohrrit?
-Si parti ne koalicionin qeveritar jemi duke pergatitur
plan projektet e detajuara qe rrjedhin nga marreveshja
kuader e Ohrit. Aplikimi zyrtar i gjuhes shqipe eshte
nje projekt me vete. Pjesemarrja proporcionale e
shqiptareve ne pushtetin vendor, nje tjeter. Keto
materiale tashme jane te gatshme dhe do t'i paraqiten
qeverise dhe parlamentit. Pra grupet e eksperteve po
punojne ne kete drejtim. E dime, qytetaret qe na
mbeshteten ne lufte presin me shume nga ne dhe ne po
bejme perpjekje maksimale qe kete fitore ta kthejme ne
dobi te tyre. Synimi yne eshte qe Maqedonia te kete
stabilitet e paqe te qendrueshme si faktor i rendesishem
per zhvillimin dhe perparimin e vendit./Koha Jonė -
Fiqiri Sejdiaj/
|