Maqedonia kerkon murator

Maqedonia kerkon murator

Gjeorgjievski dhe Xhaferi vendosen qe te rikthehen fort ne skenen politike. Duke e ditur se propozimet per ndarje dhe shkeputje do ti kthenin ne qender te vemendjes. Por mbi ta tani rendon nje pyetje: Nese kjo ishte formula per shpetimin e Maqedonise, perse heshten perderisa ishin ne pushtet?

nga Gordana Icevska

 

Qe nga ajo dite e 18 prillit Lubco Gjeorgjievski, lideri i VMRO-DPMNE-se ne largim e siper, shkroi ne gazeten e tij te preferuar "Devenik" kolumnen "Teza per mbijetesen e kombit dhe shtetit maqedonas", dhe kur 24 ore me pas ne Kuvendin qendror te PDSH-se Arben Xhaferi dhe Menduh Thaci dhane doreheqje te parevokueshme nga postet partiake, Maqedonia nuk po gjen qetesi.

"Gjeorgjievski ndan Maqedonine - Lideri i opozites angazhohet per mur betoni ndermjet maqedonasve dhe shqiptareve", "Ish kryeministri dhe Xhaferi jane per shtete etnike - Ahmeti: Muret mes nesh nuk ndihmojne, por vetem i ndajne komunitetet", "Bota nuk i kupton seriozisht: Bashkesia nderkombetare nuk perkrah ndarje te Maqedonise" - jane vetem nje pjese e titujve te gazetave te botuara diteve te fundit.

Kjo zhurme qe eshte percjelle ne rajon, me shume ne Tirane e Prishtine, ka shqetesuar jo pak edhe faktoret nderkombetare. Por mbi te gjitha ajo ka vene ne levizje vete shqiptaret e maqedonasit. Per te kuptuar me mire kete atmosfere Klan po jep ne kete speciale reagimet e tyre. C'mendojne kreret e partive, c`eshte moratoriumi dhe c'thone sondazhet e opinionit publik.

===

Ne shekullin e 21 ne Maqedoni do te ndertohet nje mur. Ndoshta me i madh edhe se ai kinez. Ose i ngjashem me ate te Berlinit. Ende nuk eshte percaktuar. Tenderi do t`i percaktoje detajet. Ky tender do te jete i dedikuar per shume qellime. Me te do te zgjidhet edhe papunesia. Shume te papune se paku per disa vite do te kene me se te merren duke e ndertuar murin. Por, nuk perjashtohet edhe ajo se per shkak te murit nuk do te ndodhe konflikti nderetnik. Te dyja shtetet fqinje nuk do te mund te vendosin se cila duhet te jete perberja multietnike e ndertuesve. Valle, sipas perberjes etnike te ish-IRJM-se, ose 50:50, meqe do te behet fjale per dy shtete, ose dy njesi te barabarta federative. Do te thote, me siguri edhe per shkak te murit do te fillojme edhe nje konflikt, i cili do te shoqerohet nga nje konfrontim i armatosur. Atehere kur konflikti i ri do ta arrije kulmin, lideret e ushtrive (partive) do te fillojne te na shpjegojne se sa shume e duan atdheun e tyre, porse medoemos eshte dashur qe, per shkak te te drejtave dhe ardhmerise, te luftohet. Tingellon si gje e njohur?

Perse Gjeorgjievski e nenshkroi Ohrin

Lubco Gjeorgjievski dhe Arben Xhaferi perderisa ishin ne pushtet, ne menyre te shpejtuar i relaksuan marredheniet nderetnike. Ne mes te problemeve te zgjidhura nderetnike filloi lufta. Edhe pse lufta ishte duke na ndodhur ne shtepi, rezultoi se Kosova na qenkesh fajtore per te. Perderisa lufta ashpersohej, dy aleatet ne pushtetin e atehershem gjithnje e me shume e humbnin imazhin te qytetaret. Kundershtaret e tyre, Branko Cervenkovski dhe Ali Ahmeti, sic i afroheshin pushtetit beheshin patriote gjithnje e me te medhenj, te cilet e duan atdheun e tyre multietnik. Radikalizmi zhdukej prej tyre, dhe ngadale levizte ne drejtim te Xhaferit dhe Gjeorgjievskit.

Ndaj, tani ai e arriti kulmin e vet. Gjeorgjievski nxori ne drite se nga bashkejetesa s`ka asgje, dhe se nese nuk merremi vesh, do te na nevojitet nje mur. Ne analizen qe shpalli ish-kryeministri ka edhe nje te vertete. Fakt eshte se nuk na shkonte vellazerim-bashkimi mjaft mire viteve te fundit. Por, perse Gjeorgjievski, kur e ka ditur qe me pare zgjidhjen, nuk e ofroi ne kohen qe zhvillohej lufta. Nese ky ishte solucioni, perse heshtte ndersa nenshkruhej Marreveshja e Ohrit. Perse e nenshkroi, nese ajo nuk eshte zgjidhja? Me siguri, atehere, si kryeminister nuk i leverdiste qe te mbeshteste teza te tilla, per shkak se mund ta humbte kolltukun. Dhe me siguri duhej te luante ashtu sic "e keshillonin" perfaqesuesit e bashkesise nderkombetare.

Sic duket, Gjeorgjievski ka vleresuar se tani eshte momenti me i volitshem per ti hedhur ne treg tezat per ndarjen. E nje gje te tille e ben per shume arsye. Opozita eshte vend jo pak komod per lancimin e ideve qofte edhe te rrezikshme. Aty pergjegjesia eshte me e vogel. Ndersa, ne kete cast Gjeorgjievski eshte i vetedijshem se tezat e tij jane me lehte te pranuara per shkak te deshperimit nga efektet e Marreveshjes se Ohrit, i cili eshte i pranishem te maqedonasit etnike. Do te thote, keto teza i mundesuan qe te ktheje nje pjese te popullaritetit.

Me siguri Gjeorgjievski sinqerisht beson se kjo eshte zgjidhja per ardhmerine e Maqedonise. Fatekeqesisht, ideja eshte fashiste - ne kohen kur Evropa, pjese e se ciles duam te jemi, fshin kufijte, ne mendojme per ndarje. Eshte fakt se ne Evrope s`ka shume shtete multietnike, por eshte fakt gjithashtu se per evropianet nuk ka me rendesi nese gjenden ne vendlindje ose ne cilindo meridian tjeter te botes. Edhe nje kunderargument ndaj atij te Gjeorgjievskit eshte fakti qe shteti me i fuqishem ne bote, SHBA-te, eshte multietnik. Pergjigjja e vertete e problemeve eshte qe te pushoje se qeni i rendesishem percaktimi etnik, e jo ndarja ne baze te tij.

Shqiptaret edhe me jokorrekte

Tezat e Gjeorgjievskit me lumturi te madhe i priten PDSH-ja dhe PPD-ja. Behet fjale per dy parti te cilat vite me radhe angazhoheshin per barazi te shqiptareve ne atdheun e tyre, Maqedonine multietnike. Dhe pernjehere dy lideret, Aliti dhe Xhaferi, u mahniten nga ideja e Gjeorgjievskit. U liruan dhe pa kursyer veten e perkrahen. Thane se cfare u fle ne zemer? Gezimi u shkelqente ne sy perderisa e interpretonin heroizmin e Gjeorgjievskit.

Menduh Thaci, njeriu i cili sot deklaron se asgje nuk mund te ekzistoje pervec shteteve te pastra etnike, deri para pak kohesh betohej ne atdheun e tij multietnik, Maqedonine.

Abdurrahman Aliti dikur qe nje politikan i matur, i cili tallej me idete per Shqiperi te Madhe. Ndersa, sot ai mahnitet se sa paska qene guximtar Gjeorgjievski!

Si do t`u shpjegojne politikanet shqiptare bashkekombasve te tyre perse vite me radhe i bindnin se duhet te jetojne se bashku me maqedonasit. Si dhe se perse tani pernjehere kjo eshte e pamundshme? A do te thote kjo se neser, kur perseri do t`u jepet rasti te vijne ne pushtet, serish do te pendohen? Dhe serish do te fillojne te betohen ne bashkejetesen multietnike.

Perse kete ceshtje nuk e hapen ne kohen kur hartohej Marreveshja e Ohrit? Atehere me gjithe energjine angazhoheshin per shtet te ri multietnik. Marreveshjen e Ohrit politikanet shqiptare e prezantuan si efekt pozitiv nga beteja e fituar. Dhe, tani ajo nuk vlen?

Qe tragjedia maqedonase te jete edhe me e madhe, kontribuon politika anemike e pushtetit aktual. Cervenkovski ende nuk ka ofruar asgje per zgjidhjen e problemit me te madh: varferise. Ahmeti ende nuk eshte i vetedijshem se eshte pjese e pushtetit. Ai ende nuk di se c`duhet te beje dhe nuk mesohet dot me faktin se me te veshtire e paska te drejtoje partine sesa ushtrine e dikurshme.

Me i tmerrshem se te gjitha eshte fakti se ne kohen kur shume qytetareve te Maqedonise i grryejne zorret, ushqimi i vetem u mbetet politika. Atehere tezat radikale gjejne truall te mire, per shkak se ofrojne shprese te rreme per njefare rregullimi eventual te problemeve. Pikerisht per shkak te kesaj Gjeorgjievski dhe Xhaferi u paraqiten ne opinion me tezen "e re". Te vetedijshem se ajo nuk do t`i zgjidhe problemet, por do t`u sjelle simpati. Nje simpati e brendeshme, por qe ka nje cmim te larte ne Evrope. Sepse kontinenti i vjeter rrezikon ta cregjistroje kete vend nga lista. Duke e zhdukur ndoshta nga harta e botes. Per nje arsye te thjeshte: sepse njerez si Gjeorgjievski apo Xhaferri jane kujtuar shume vone per te pyetur se cfare shteti duhet te ndertoje. Nderkohe, qe ende nuk jane te sigurte nese duan vertet ta bejne kete.