• Grupit Ndërkombëtar i Krizave (GNK) në një raport të fundit thekson se situata në Maqedoni është shqetësuese dhe nuk ka përparim në zgjidhjen e çështjeve të shqiptarëve.

  vazhdon

  Raporti akoma është jozyrtar dhe së shpejti pritet të publikohet, informon korrespodenti i agjencisë së lajmeve INA në Nju Jork. Raporti i GNK shprehë shqetësimet lidhur me tensionet dhe acarimet e fundit ndëretnike, ngecjet e theksuara të mosimplementimit të Marrëveshjes së Ohrit, bllokimin e proceseve euroatlantike dhe rritjen e shkallës së varfërisë, etj. GNK vlerëson se në Maqedoni ka pakënaqësi nga të dyja palët që kanë qenë aty që para konfliktit të vitit 2001 dhe kjo situatë acarohet edhe më shumë nga zhgënjimi nga mungesa e përparimit për anëtarësimin në NATO – një proces për të cilin Maqedonia është gati – dhe Bashkimin Evropian për shkak të mosmarrëveshjes qesharake për emrin me Greqinë. Sipas agjencisë INA, edhe në raportin më të ri të GNK do të bëhen rekomandime të qarta që qeveria në Shkup duhet t’i zbatojë të gjitha klauzolat për gjuhën në Marrëveshjen e Ohrit, të japë fonde shtesë për kulturën dhe gjuhën shqipe, gjëra të thjeshta si emra rrugësh në të dyja gjuhët, emrat e godinave qeveritare në dy gjuhë në Shkup, etj. Marko Prelec, Drejtor i Projektit të Ballkanit pranë GNK një muaj më parë deklaroi për Zërin e Amerikës shqetësimet mbi zhvillimet në Maqedoni. “Unë do të shkoja edhe më tej, do të thoja që ka pasur përpjekje për çintegrim. Mendoj se kjo ka ndodhur për shkak të mungesës së vullnetit nga ana e qeverisë në Shkup për ta bërë Shkupin, kryeqytetin e një vendi dygjuhësh, një kryeqytet dygjuhësh që të krijonte idenë se i takonte të dyja komuniteteve dhe në fakt ka pasur përpjekje për ta bërë që të dukej si etnikisht maqedonas, me projektin Shkupi 2014, ndërtimin e shpenzueshëm e monumenteve që kanë lidhje me etninë maqedonase. Nga ana tjetër përfaqësuesit e komunitetit shqiptar e kanë pranuar statusin jo si partnerë në projektin kombëtar por më shumë si udhëheqës të një pakice. Kjo nuk ka ndihmuar. Megjithatë duhet thënë që Maqedonia po bën diçka vërtet të vështirë”, ka theksuar Prelec. (B.Sina/INA)/V.I./Liria

• Pas sulmit në punktin policor sot në mëngjes në fshati Dobrosin, komuna e Bujanocit, është deklaruar edhe ministri i Punëve të Brendshme, Ivica Daçiq. Ai ka thënë se "nuk do t’i shikojmë të qetë si i sulmon dikush policët", duke pohuar se mbrëmë disa persona shqiptarë nga pjesa e Kosovës kanë kryer sulm ndaj repartit të policisë në Dobrosin, raporton portali Presheva.

  vazhdon

  Daçiq, ka thënë se në sulmin që ka ndodhë mbrëmë rreth orës 2, në largësi vetëm 100 deri 150 metra nga kufiri administrativ, siç e quan ai kufirin midis Kosovës e Serbisë, në pjesën e fshatit Stubëll, komuna e Gjilanit, gjegjësisht përskaj vendit ku ndodhet edhe njësiti i policisë, askush nuk është lënduar. "Kanë gjuajtur disa herë me intensitet të shkurtë. Në patrullim kanë qenë katër polic në stacion dhe për fat të mirë dëme nuk ka" ka thënë Daçiq duke shtuar se sulmi është përsëritur dhe se policët kanë reaguar me 10 deri 15 plumba, me të cilën ka përfunduar edhe tërë aksioni. Kjo, konsideron Daçiq është një tregues se sa "janë tregime të zbrazëta" për ruajtjen e paqes në këtë pjesë të territorit. "Ky është një shembull drastik i thyerjes së marrëveshjes me bashkësinë ndërkombëtare dhe një dëshmi se sa është rrezikuar paqja dhe siguria. Nuk do të rrimë të qetë kur dikush sulmon policët në Serbi përtej linjës administrative... Ne po bëjmë punën tonë ashtu siç e kemi bërë deri tani. Presim reagime të zyrtarëve ndërkombëtarë në lidhje me këtë incident" ka thënë Daçiq. Bujanoc, 17 maj - 12:02 - Sipas policisë serbe, në orët e hershme të mëngjesit të sotëm, është shtënë me refale automatiku mbi punktin policor në fshatin Dobrosin të komunës së Bujanocit. “Sulmi mbi policinë, respektivisht punktin policor, në orën 3:00, ishte akt terrorist”, ka thënë zëdhënësi i policisë së Vranjës, Dragan Stamenkoviq, duke shtuar se në këto momente nuk është në gjendje të komunikojë të dhënë të tjera për këtë sulm, raportojnë mediet serbe. Fshati Dobrosin, në të cilin është punkti kontrollues serb, në drejtim të Kosovës, ndodhet 16 kilometrat në jugperëndim të Bujanocit. (koha)/V.I./Liria

• Nxënësit e klasave të para të Shqipërisë dhe Kosovës do të mësojnë tashmë me një Abetare të përbashkët. Ceremonia e promovimit të Abetares së përbashkët u zhvillua sot në Qendrën Sportive "Sezai Surroi", ku përveç Kryeministrit të Shqipërisë, Sali Berisha, ishin të pranishëm edhe Presidentja e Kosovës, Atifete Jahjaga dhe Kryeministri kosovar Hashim Thaçi.
  

  vazhdon

  Kryeministri i Kosovës Hashim Thaci gjatë fjalës së tij në në ceremoninë e promovimit të abetares së përbashkët Shqipëri-Kosovë, e cilësoi një ditë historike për të gjithë shqiptarët. Ndërkohë, kreu i qeverisë shqiptare Sali Berisha u shpreh se shqiptarët kudo që ndodhen janë të vendosur të bashkohen në BE, ndërsa nuk nguroi t’i bëjë thirrje fqinjëve të clirohen nga shqiptarofobia dhe veprimet primitive. Më 24 prill u përzgjodh teksti fitues për Abetaren e përbashkët Shqipëri-Kosovë. Teksti i përzgjedhur ka si bashkëautorë, Shezai Rrokaj, Mimoza Gjokutaj dhe 2 përfaqësuesit nga Kosova Islam Krasniqi dhe Saranda Kumonova Pozhegu. Ndërsa grafika është realizuar nga Lorenc Buzi. Përzgjedhja është bërë nga komisioni vlerësues me përfaqësi të dy palëve. Në garë ishin 13 Shtëpi Botuese, nga të cilat fituese është shpallur Shtëpia Botuese “Pegi” dhe shoqëria “Dukagjini”. Unifikimi i teksteve shkollore është një nisme mes dy ministrive të arsimit të Shqipërisë dhe Kosovës, që do të vijojë edhe me tekste të tjera shkollore. BERISHA: ABETARJA E NJËHESUAR, KRYEVRPRA E DIJES, FQINJËT TË CLIROHEN NGA SHQIPTAROFOBIA Kryeministri Berisha i pranishëm në ceremoninë e inagurimit të Abetares së përbashkët Shqipëri-Kosëve, që po mbahet në Prizren, deklaroi se kjo është dhurata më e bukur që i bëhet kombit tonë në 100-vjetorin e Pavarësisë. “Falenderoj përzemërsisht hartuesit për këtë kryevepër që i dhuruan sot fëmijëve të kombit tonë Abetaren e parë të njëhësuar,të bashkuar, e cila vjen so këtu në këtë sallë si një vepër e rrallë e shqiptarëve që ka endur në shekuj për të ardhur tek ju, fëmijët e Prizrenit, fëmijët e kombit shqiptar. Ajo mban ëndrrën e dhjetra qindra gjeneratave të shqiptarëve, të cilët donin të kishin një Abetare të përbashkët. Mban sakrificat që në kohët e Skëndërbeut e deir në luftrat për çlirim të Kosvës e Maqedonisë. Mban idealin e bashkimit si idelai i përjetësisë kombëtare”, deklaroi Berisha. Duke iu drejtuar nxënësve që kishin mbushur plot e përplot sallën, Berisha tha: “Nuk duhet të harroni kurrë se ka me qindra, mijëra jetë të flijuara që ju të jeni të lirë, që në të jemi të lirë të ndërtojmë të ardhmen tonë të shkëlqyer. Abetarja është margaritari i kurorës së 100 vjetorit të Shqipërisë së pavarur, dhurata më e bukur që njerëzit e lirë mund t’ju bënin Shqipërisë dhe shqiptarëve”, tha ai. Kryeministri Berisha deklaroi se shqiptarët kudo që ndodhen janë të vendosur të bashkohen në BE, ndërsa nuk nguroi t’i bëjë thirrje fqinjëve të clirohen nga shqiptarofobia dhe veprimet primitive. “Ne nuk jemi kombi i zgjedhur i zotit, por jemi në të drejtën tone, ne jemi në trojet tona. Sot më të vendosur se kurrë që të punojmë për projektin e bashkimit të shqiptarëve në kuadër të projektit të BE. Të punojmë për paqen e stabilitetin në rajon e më gjërë. I themi fqinjve, clirohuni nga shqiptarofobia, ajo është plehrë e primitvizmit të së kaluarës suaj! Shqiptarët janë komb miqësor, ndërsa ata me skena si ato të Preshevës faktojnë se janë në ende nëstadet primitive”, komentoi ai. THACI: DITË HISTORIKE, NJË ABETARE, NJË GJUHË Kryeministri i Kosovës Hashim Thaci gjatë fjalës së tij në në ceremoninë e promovimit të abetares së përbashkët Shqipëri-Kosovë, e cilësoi një ditë historike për të gjithë shqiptarët. "Më lejoni të uroj këtë ditë të madhe për shqiptarët. Sot është një ditë historike për kombin, kulturën dhe qytetërimin shqiptar. Sot ju prezantojmë abetaren e përbashkët të shqiptarëve, të ardhemen e kombit shqiptar. Kjo është arritje historike. Është abetarja e parë e përbashkët e autorëve nga Shqipëria dhe Kosova. Urime”,- uroi kryeministri i Kosovës. Thaci deklaroi se jo rastësisht ceremonia po mbahet në Prizren kryeqytetin shpirtëror të shqiptarëve, pasi sipas tij ai është qyteti i bashkimit të shqiptarëve në një komb. “Sot të gjithë shqiptarët ku jetojnë, janë me ne, janë me abetaren e parbashkët. Jemi mbledhur në kryeqytetitin shpirtëror të shqiptarëve në qytetin mes kryeqyteteve poliike dhe administrative, Tiranës dhe Prishtinës, në qytetin e bashkmit të shqiptarëve në një shtet të vetëm. Sot në vitin jubilar të 100 vjetorit të pavarësisë së Shqipërisë institucionet po promovojnë librin e përbashkët. Kjo është abetarja e kombit, kjo është arritje për të gjtihë shqiptarët. Këtë mund ta bëjë një shtet i lirë dhe sovran”,- deklaroi Thaci. Sipas Thacit fati i abetares është i njëjtë me fatin e shqiptarëve, dhe falë përpjkejeve shekullore tahmë shqiptarët do keni një gjuhë dhe një flamur. “Në themele të Rilndjes qëndron patrioti Naum Vexhilharxhi, fati i librit ishte i ngjashëm me fatin e popullit shqiptar. Sot pas 100 vjetësh shteti shqiptar është vend demokratik anëtar i NATO dhe me prespektivë për në BE. Sot Kosova ka hyre në 13 vjetorin e lirisë dhe 5 vjetorin e pavarësisë. Kosova ka të ardhme të ndritur. Abetarja e përbashkët është një përpjeje e jona shekullore, dhe shqiptarët tashmë do kenë abetare të përbashkët gjuhë dhe flamur”,- deklaroi Thaci. (el.me/ma.ar/BalkanWeb)/V.I./Liria

Botuar: 17 May 2012

Samit me disa të veçanta - G8 klubi ekskluziv me probleme identiteti

• Presidenti i ri francez Hollande del në Camp David për herë të parë në skenën ndërkombëtare. Kërkesat e socialistit francez për një pakt rritjeje dhe kriza qeveritare në Greqi tema të rëndësishme të samit të G8.

  vazhdon

  "Sikurse gjatë vizitës së tij të parë zyrtare në Gjermani Hollande do të përballet në Camp David me një presion të konsiderueshëm që të mos ndërmarrë asgjë që mund ta shpërbëjë paktin fiskal evropian për të cilin është rënë dakord tashmeë thotë Dr. Stewart M. Patrick, ekspert për politikën ndërkombëtare në Këshillin për Marrëdhëniet me Jashtë në Uashington. Ideja e socialistit Hollande për një pakt për rritjen ekonomike dhe kriza qeveritare në Greqi janë tema që do t'i shoqërojnë të pranishmit në samit, të cilët presin edhe shpjegime përkatëse. Por lista e temave është mjaft e gjatë për një samit që nuk do të zgjasë as 24 orë. Temat shkojnë nga sigurimi i ushqimeve për Afrikën, tek mosmarrëveshjet bërthamore me Iranin, plani i tërheqjes për Afganistanin, veprimet e mëtejshme ndaj Sirisë dhe Koresë së Veriut e deri tek klima globale. Presidenti i SHBA-së Barack Obama ka ftuar në rezidencën presidenciale në Camp David për të premten në darkë (18.05.2012) krerët e shteteve dhe të qeverive nga Britania e Madhe, Kanadaja, Franca, Rusia, Gjermania, Italia dhe Japonia. Rusia e parëndësishme? Presidenti i rizgjedhur rus Vladimir Putin e refuzoi ftesën e Obamës. Putini dërgon kryeministrin Dimitri Medvedev, me të cilin kanë këmbyer postet. Një situatë e pakëndëshme - sepse rusët konsiderohen në klubin e G8 prej ekspertëve si të parëndësishëm. "Pa Rusinë G8 përfaqëson një komunitet demokracish të përparuara që kanë një mendësi të përbashkët, që besojnë tek të drejtat e njeriut dhe që kanë pikëpamje tejet të ngjashme lidhur me gjendjen ekonomike globale" thotë për DW politologu Patrick, i cili nga viti 2002 deri në vitin 2005 ka qenë konsulent pranë Ministrisë së Punëve të Jashtme në SHBA. Ndërsa Rusia nën Putinin është duke ecur në një drejtim autoritar, dhe nuk është një partner i besueshëm për çështje politikisht të ndjeshme: Irani dhe Siria janë shembujt më të mirë për këtë. Kështu që nga takimi nuk pritet ndonjë progres i madh. Në këtë mes shtrohet vazhdimisht pyetja se ç'kuptim ka takimi i G8? Megjithatë, tetë vendet përfaqësojnë 15 për qind të popullsisë së botës dhe dy të tretat e prodhimit ekonomik ndërkombëtar. G8 është një bashkim i lirshëm shtetesh, jo një organizatë me financim sipas rregullash të caktuara. I krijuar në vitet '70 në mes të krizës së naftës, ky u mendua si një forum për të koordinuar çështjet ekonomike dhe tregtare. Por tashmë në rend të ditës janë si çështje politike ashtu edhe ekonomike, pavarësisht se G-20 konsiderohet si forumi më i fuqishëm ekonomik dhe Këshilli i Sigurimit të OKB-së ka në dispozicion mekanizma për sanksione. Listë e zgjeruar të ftuarish Presidenti Obama ka ftuar në Camp David edhe kryetarët e shteteve dhe të qeverive të Beninit, të Etiopisë, Ganës dhe të Tanzanisë. Ata do të marrin pjesë në diskutimet mbi sigurinë e ushqimeve në Afrikë. Diskutimi i kësaj teme është vazhdim i një procesi që filloi në vitin 2009 në qytetin italian të L'Aquilas. Patrick Stewart vë në dukje se "takimet e G8 organizohen në ato vende, të cilat ofrojnë pjesën më të madhe të ndihmës zyrtare për zhvillim". Po ashtu takimi i G8 u ofron pjesëmarrësve një mundësi për të diskutuar çështje formale dhe joformale në nivel dypalësh, mendon Bruce Jones i Institutit Brookings: "Një gjë e tillë është nganjëherë më e lehtë se sa të biesh dakord për një takim zyrtar në mes dy politikanësh për të diskutuar një temë të veçantë. "Dhe kryetarët e shteteve dhe të qeverive kanë për momentin më tepër çështje për të koordinuar nga sa do t'u pëlqente." - thotë Bruce Jones. (dw)/V.I./Liria