• *Të braktisë praktikat e saj nacionaliste dhe anakroniste, në dobi të mirëqenies dhe progresit të shtetasve të saj“ ftoi qeverinë e ish Republikës Jugosllave të Maqedonisë, presidenti i Republikës Karolos Papulias, i cili bën një vizitë zyrtare 2-ditore në Beograd.

  vazhdon

  *Sa i perket ceshtjes se emrit me Ish Republiken Jugosllave te Maqedonise, do te vazhdojme te punojme per zgjidhjen e saj ne kuadrin e te drejtes nderkombetare. Presim nga vendi fqinje te braktise praktikat e tij anakroniste dhe nacionaliste ne dobi te perparimit te shtetasve te tij*, tha ne menyre karakteristike presidenti i Republikes pas takimit te tij me presidentin e Serbise. Z.Papulias ne takimin e tij me presidentin e Serbise Boris Tadic, i transmetoi perkrahjen e Greqise ne kerkesen e saj, qe te anetarsohet sa me shpejt ne familjen e bashkuar evropiane. Ne lidhje me ceshtjen e Kosoves z.Papulias shenoi, se Greqia ishte kurdohere mbrojtesja e flakte e arritjes se zgjidhjes se pranueshme reciproke, e cila do te bazohet ne te drejten nderkombetare dhe do te jete rezultat i dialogut dhe negociatave, nje zgjidhje qe do te respektoj te drejtat e njeriut dhe te drejtat e pakices dhe nuk do te krijoj fitues dhe te humbur. Nga ana e tij presidenti i Serbise Boris Tadic falenderoi presidentin grek per qendrimin *stabel* sic e karakterizoi, te Greqise, qe te mos njohe pavarsine e Kosoves, duke theksuar se “per ne kjo eshte shume e rendesishme”. (ert)/V.I./Liria

• “Zgjerimi i BE-së me Ballkanin, s’është në rend dite”

  vazhdon

  BOTA SOT Institucionet e Republikës së Kosovës shprehin bindjen e tyre se Gjykata Ndërkombëtare e Drejtësisë do të vendosë në favor të Kosovës për legjitimitetin pavarësisë së saj, duke u mbështetur në njohjen e shteteve të rëndësishme të Evropës, si dhe në të drejtat e vetë shtetit për të qenë shtet i pavarur dhe sovran, mirëpo analistët besojnë në të kundërtën se Gjykata Ndërkombëtare e Drejtësisë nuk do të jetë shumë e qartë nëse do të vendosë në favor të Kosovës apo të Serbisë, sepse vendimi i saj do të jetë i paqartë dhe do të lexohet në shumë mënyra. Ministri i Punëve të Jashtme i Republikës së Kosovës, Skënder Hyseni, gjatë qëndrimit të tij në Uashington, ndër të tjera, shprehu bindjen e tij të plotë se vendet e Ballkanit do të dëshmojnë në favor të Kosovës dhe se Gjykata Ndërkombëtare e Drejtësisë do të vendosë në favor të saj... EPOKA E RE As në ditën e katërt pas zgjedhjeve parlamentare të së dielës në Shqipëri, nuk është bërë i ditur fituesi i këtyre zgjedhjeve – tabori i demokratëve i prirë nga kryeministri aktual, Sali Berisha, apo tabori i kryesocialistit Edi Rama. Fituesi i kësaj gare të fortë dhe dramatike, herë-herë edhe me tensione dhe përplasje ndërmjet këtyre dy taborëve, pritet që më në fund të shpallet sot (e premte), pasi të numërohen të gjitha kutitë e votimit. Pa numëruar kanë mbetur vetëm edhe kutitë e votimit të Libofshit, të Fierit dhe të Fushë Kuqes në zonën e Lezhës. Sipas rezultateve të deritashme, të publikuara nga organizatat KRIIK dhe ECA, numri i mandateve për deputetë i dy rivalëve, atyre demokratë dhe socialistë, ende mbetet i barabartë, 70 me 70... LAJM Para disa muajve, Kosova ishte vërshuar nga deklaratat pompoze për njohje të reja, që proklamoheshin nga përfaqësues të institucioneve të Kosovës dhe nga disa liderë të partive politike. Por, kaluan një muaj e gjysmë që nga njohja e fundit dhe Kosova nuk u njoh nga asnjë vend. Njohjet sidomos pritej të vinin pas anëtarësimit të Kosovës në dy organizatat financiare ndërkombëtare, FMN e Bankë Botërore, ku Kosova u anëtarësua me shumicë votash muajin e kaluar, ndërsa të hënën e nënshkroi edhe marrëveshjen për anëtarësim me të gjitha protokollet. Ngecjet në njohje, sipas kryetarit të AAK-së, Ramush Haradinaj, janë pasojë e mungesës së kapaciteteve të politikës së jashtme kosovare. “Sidoqoftë, procesi i njohjeve do të vazhdojë, miqtë e Kosovës po punojnë për këtë, por ajo që na shqetëson është mungesa e rolit tonë në këtë proces, do të thotë e kapacitetit tonë si politikë e jashtme për të marrë njohje”, tha Haradinaj të enjten... KOHA DITORE Kryeministri i Republikës së Kosovës, Hashim Thaçi, e ka vlerësuar sistemin e brishtë gjyqësor në Kosovë si pengesë në luftimin e korrupsionit. Sipas tij, në gjyqësor duhen reforma të thella, në mënyrë që sundimi i ligjit të vihen në vend dhe të luftohet dukuria e korrupsionit. Kreu i ekzekutivit kosovar i ka bërë këto komente në një konferencë për media, të enjten, ku është lavdëruar për anëtarësimin e Kosovës në FMN dhe në Bankën Botërore. Thaçi ka vlerësuar pozitivisht edh raportin e fundit për Kosovën të organizatës “Freedon House”... Duke komentuar gjetjet e raportit, ku vlerësohet se ka mungesë të vullnetit institucional për luftimin e korrupsionit, kryeministri ka thënë se fajet për këtë i ka gjyqësori kosovar... INFOPRESS Administrata publike në Kosovë duhet të jetë më funksionale dhe më efikase, dhe si e tillë, duhet t’i nënshtrohet procesit të rishikimit funksional, u tha në mbledhjen e radhës të komisionit ndërministror për reformën funksionale të administratës publike. Zëvendëskryeministri Hajredin Kuçi premtoi proces të mirëfilltë të rishikimit funksional të administratës publike me standarde evropiane dhe përfundim të këtij procesi brenda vitit. Ai vlerësoi se qeveria do të bëjë punën më të mirë të mundshme që brenda këtij viti të ketë një rishikim funksional të administratës publike. “Besoj se me hyrjen në fuqi të Ligjit për qeverinë dhe me rregulloren e qeverisë, do të kemi një organizim më të detajuar, efikas dhe ndoshta më të përqendruar të Qeverisë së Kosovës...”, ka theksuar Kuçi... KOSOVA SOT Panorama politike e koalicioneve të mundshme për zgjedhjet lokale që do të zhvillohen gjatë këtij viti ende nuk është e qartë, ndonëse asnjë nga forcat politike nuk ka përjashtuar mundësinë e partneriteteve politike. Teksa flitet për forcat politike në procesin e zgjedhjeve, analistë politikë theksojnë se koalicionet janë të pashmangshme, në mungesë të kuadrove të afta dhe se ato janë më të shprehura pas publikimit të rezultateve të para, kryesisht në krizën e balotazhit. Kryeministri i Kosovës, Hashim Thaçi, shfaqi besimin se këto zgjedhje do të zhvillohen sipas standardeve perëndimore... Por, këto zgjedhje do të jenë me plot ekuacione dhe pikëpyetje zgjedhore. Forcat opozitare: AKR-ja, AAK-ja dhe LDD-ja kanë hedhur dyshime mbi mundësinë e ndonjë partneriteti me partitë kryesore, PDK dhe LDK, për shkak të partneritetit të koalicionit qeverisës... EXPRESS Përgatitjet për krijimin e komunave të reja që dalin nga obligimet e statusit dhe që është dashur të kulmojnë në ditën e zgjedhjeve të reja, përkatësisht më 15 nëntor, do të vazhdojnë përkundër thirrjes së presidentit të Serbisë, që serbët kosovarë t’i bojkotojnë votimet e reja lokale. Ministria e Administrimit të Pushtetit Lokal, që drejton këtë proces, ka shprehur vendosmëri për t’ua ofruar qytetarëve serbë mundësinë për t’i marrë ato të drejta që i takojnë sipas obligimeve kushtetuese. Autoritetet në Beograd thonë se dalja e serbëve më 15 nëntor do të ishte njohje indirekte e pavarësisë së Kosovës... Në një prononcim për “Express”, zëvendësministri i Administrimit të Pushtetit Lokal, Shpend Tërdevaj, thotë se krijimit të komunave të reja i nevojitet dalja e serbëve në zgjedhje... ZËRI Konsolidim para zgjerimit. Kjo duket të jetë fjalia kryesore dhe qëndrimi kyç i qarqeve më të larta vendimmarrëse në Bashkimin Evropian dhe i disa shteteve të fuqishme në BE, përballë temës së shtimit eventual të shteteve anëtare të BE-së me shtetet e mbetura të Ballkanit perëndimor, duke nisur në perëndim me Kroacinë dhe duke përfunduar në jug me Maqedoninë dhe Shqipërinë. Bazuar në burimet diplomatike perëndimore në Bruksel, ngjarjet e 3-4 vjetëve të fundit brenda BE-së, pastaj kriza globale financiare që la pasoja të mëdha kudo në Evropë, ka ndikuar që në Bruksel të mbizotërojë një kujdes i madh për procesin e zgjerimit të BE-së dhe që përqendrimi kryesor i Brukselit të jetë konsolidimi i BE-së, e jo zgjerimi i tij. Këtu, mbase, një përvojë e hidhur lidhet me rastin e Kosovës, sepse dihet që uniteti aq shumë i kërkuar dhe i synuar i BE-së nuk u arrit në procesin e njohjes së Kosovës... (rel) Shtypi sot – 3 korrik nga Express më 03.07.2009 : Express edhe sot në ballinë sjell një shkrim të zgjeruar me ecurinë e zgjedhjeve në Shqipëri me titull, “Kutia magjike e Fierit”. Shqipëria nuk ka mundur ta mbyllë procesin e numërimit të votave, as ditën e enjte. Procesi është bllokuar në Fier, ku PD dhe PS presin mandatin e artë. Aty, Edi Rama pretendon të marrë edhe mandatin e nëntë, derisa Sali Berisha është i bindur se mund ta marrë mandatin e shtatë. Shkrimin e zgjeruar mund ta lexoni në faqen 6. Temë tjetër në Express, e që është aktuale për momentin, është ajo për pjesëmarrjen apo mos pjesëmarrjen e serbëve në zgjedhjet në Kosovë, me titull “Tadic nuk i ndalë”. Përgatitjet për krijimin e komunave të reja do të vazhdojnë, pavarësisht thirrjes së Presidentit të Serbisë, Boris Tadic, që serbët kosovarë të bojkotojnë votimet e 15 nëntorit. Autoritetet në Prishtinë thonë se gjithmonë kanë pasur parasysh se nga Beogradi nuk mund të pritet konstruktivitet. Vetëvendosja u bën thirrje shqiptarëve që pikërisht për shkak të decentralizimit, t’i bojkotojnë zgjedhjet e 15 nëntorit. Shkrimin mund ta lexoni të zgjeruar në faqen 4 dhe 5. Sot me kolumne në Express paraqiten: Petrit Selimi, Albin Kurti dhe Hugh Roberts nga gazeta “The Guardian”. Zëri sot për titull kryesor ka anëtarësimin e vendeve të Ballkanit Perëndimor në BE, me titull “BE synon konsolidimin, nuk është në rend të ditës zgjerimi me shtetet e Ballkanit”. Në Bruksel po mbizotëron një kujdes i madh për procesin e zgjerimit të BE-së me shtetet e Ballkanit Perëndimor. Përqendrimi kryesor i Brukselit do të jetë konsolidimi i BE-së, e jo zgjerimi i tij. Koha Ditore për kryeartikull ka problemin e njohjeve të Kosovës, me titull “Sejdiu nuk shqetësohet nga mungesa e njohjeve”. Ani pse ishin premtuar njohje të reja, por që nuk u bënë prem më shumë se një muaji, presidenti Sejdiu ka thënë se Kosova s’mund t’i caktojë itineraret e vendeve për vendimet që duhet të marrin në kontekst të njohjes së vendit. Epoka e Re, edhe sot shkruan për procesin e stërzgjatur të numërimit të votave në Shqipëri. Titulli qendrorë i gazetës është: Fituesi kumtohet sot. Komisioni Qendrorë i zgjedhjeve në mbledhjen e së enjtes, ka vendosur që tre KZAZ-të e Fierit, përkatësisht nr 18; nr. 19 dhe nr. 22 ta vazhdojnë mbylljen e procesit në qytetin e tyre dhe të mos i sjellin kutitë në Komisionin Qendrorë të Zgjedhjeve në Tiranë. Po ashtu, KQZ-ja ka miratuar unanimisht vendimin për numërimin e 6 kutive të zonës se Fushë-Kuqes, qarku i Lezhës, sot (e premte) në orën 9.00, kur edhe pritet të dihet fituesi. Bota Sot, shkruan për ndërtimin e autostradës. Kryeatikulli “Autostrada, shumë shpejt do të filloj”, flet për këtë çështje. Lajm, sot shkruan se Kosova ka një muaj e gjysmë që nuk ka pasur njohje, ndërkaq, sipas gazetës, institucionet janë optimiste për njohje të reja pas anëtarësimit në FMN dhe në Bankën Botërore. Artikulli mban titullin “Sinjale pozitive”. Opozita kritikon Qeverinë për mungesë të kapaciteteve të politikës së jashtme dhe për mungesë roli në procesin e njohjes – mungesa që kanë shkaktuar ngecje në njohje. MPJ, nga ana tjetër, shpreson se anëtarësimi i Kosovës në FMN dhe në Bankën Botërore do të përshpejtojë dinamikën e njohjes. Lideri i AKR-së, Behgjet Pacolli, paralajmëroi njohje të reja. Ai të enjten në Izrael është takuar me presidentin e këtij vendi, Shimon Peres, me të cilin ka biseduar rreth njohjes së Kosovës nga Izraeli. Kosova Sot, për temë sot ka mbajtjen e zgjedhjeve lokale të 15 nëntorit, me titull, “Koalicionet e pashmangshme”. Megjithëse në raundin e parë të votimeve disa parti do të hynë të vetme, në balotazh politikanët parashohin koalicione të pashmangshme nëpër komuna. Infopress, kryeartikull ka shkrimin “SHBA, gjithmonë pranë Kosovës”. Ambasadorja Kaidanov ka thënë se vendi i saj ka bërë krejt çka është e mundur për të ndihmuar Kosovën dhe popullin e saj në rrugën e tij drejt të ardhmes. Me rastin e ditës së pavarësisë së SHBA-ve, ambasada amerikane në Prishtinë kishte organizuar një ceremoni në ambientet e saj. (Express)/V.I./Liria

• KQZ vendosi të numërojë vetë gjatë të premtes votat e gjashtë kutive të Qarkut të Lezhës të mbrritura prej andej dy ditë më parë. Demokratët shpresojnë të kapin një mandat të ri nga numërimi i këtyre, por socialistët dominojnë në zonën ku është votuar.
  

  vazhdon

  Ndërkaq kanë mbërritur në KQZ edhe tri kutitë e Qarkut të Fierit, por KQZ nuk ka marrë ende vendimin e tij për to. Demokratët pretendojnë sërish të marrin aq vota sa të zvogëlojnë me një mandatet që pretendon PS-ja në Fier. Korrespondenti i BBC-së në Tiranë thotë se ka pak gjasa që, megjithë ndërhyrjen e KQZ, proceci i numërimit të përfundojë gjatë ditës. Në ditën e gjashtë të këtij procesi SHBA përmes ambasadorit në Tiranë, John Withers, bëjnë thirrje për përfundimin në mënyrë të rregullt, jo partiak dhe profesional të procesit të numërimit të votave. Rezultati i deritanishëm i zgjedhjeve nxjerr fitues koalicionin Aleanca për Ndryshim të kryeministrit Sali Berisha, i cili ka 70 deputetë. (bbc)/V.I./Liria

Botuar: 03 Jul 2009

Ofensiva në Afganistan: Viktimat e para për marinsat amerikanë

• Marinsat amerikanë pësuan viktimat e para gjatë një ofensive të madhe të ndërmarrë në pjesët që kontrollohen nga Talibani në Afganistanin jugor.

  vazhdon

  Zyrtarë të ushtrisë amerikane thanë se një marins u vra dhe disa të tjerë u plagosën kur po zinin pozicione pranë bazave të Talibanit në provincën Helmand. Mijra marinsa amerikanë dhe qindra forca afgane po marrin pjesë në operacion, i cili filloi të enjten në mëngjes me një ofensivë nga ajri dhe nga toka. Zyrtarët thanë se trupat hasën në qendresë sporadike nga ana e militantëve dhe po vazhdojnë operacionet e spastrimit në rajonin e luginës së lumit Helmand. Ky është operacioni i parë i madh pas rishikimit të strategjisë për Afganistanin të ndërmarrë nga administrata Obama, e cila synon të mposhtë kryengritjen e rigjallëruar talibane. Operacioni i djeshëm shkaktoi shqetësime në Pakistanin fqinj. Ushtria pakistaneze tha se kishte mobilizuar një pjesë të trupave për të eliminuar militantët që largoheshin nga provinca Helmand. (voa)/V.I./Liria